Densaýlyq saqtaý mınıstri vaktsına saldyra ma
NUR-SULTAN. QazAqparat – QR Densaýlyq saqtaý birinshi vıtse-mınıstri Marat Shoranov «Densaýlyq saqtaý mınıstri Alekseı Tsoı birinshi bolyp vaktsına saldyra ma? Qaı vaktsınany alady?» degen suraqqa jaýap berdi, dep habarlaıdy QazAqparat tilshisi.
«Mınıstr myrza bizben birge birinshi qatarda ekpe alýǵa daıyn. Ol da óz erkimen qazaqstandyq QazCovid-in vaktsınasyn saldyrýdy josparlap otyr. Bul vaktsına daıyn bolǵanda, zertteýler bitken soń, ol (mınıstr – red.) bul vaktsınany salǵyzady. Qashan ótetinin sizderge jarııalaımyz jáne buqaralyq aqparat quraldaryn osy protsedýraǵa qatysýǵa shaqyryp, halyqqa kórsetetin bolamyz», - dedi vıtse-mınıstr Ortalyq kommýnıkatsııalar qyzmetinde ótken baspasóz máslıhatynda.
Eske sala ketsek, ázirge úsh myń eriktige qazaqstandyq QazCovid-in vaktsınasy egildi.
26 qańtarda Úkimettiń keńeıtilgen otyrysynda Memleket basshysy Qasym-Jomart Toqaev ta koronavırýsqa qarsy qazaqstandyq vaktsınany saldyratynyn málimdegen edi.
