Aýa raıy
Astana -5 °S
Almaty 8 °S
valıýta baǵamy
USD 421.58
EUR 496.83
RUB 5.53
CNY 62.20

Densaýlyǵyna baılanysty taǵa almaıtyn adamdarǵa maska taqpaýǵa bolady – Alekseı Tsoı

2020 jyldyń 4 tamyz 2020 10:17

NUR-SULTAN. QazAqparat - QR Densaýlyq saqtaý mınıstri Alekseı Tsoı maskany qaı kezde taqpaýǵa bolatyndyǵyn túsindirdi, dep habarlaıdy QazAqparat tilshisi.

«Qoǵamdyq orynda, halyq jınalatyn, qyzmet alatyn jáne demalatyn ǵımarattarda, qoǵamdyq kólikte, daladaǵy qoǵamdyq oryndarda maska taǵý mindetti. 5 jasqa deıingi balalarǵa, áleýmettik ara qashyqtyq saqtalǵan jaǵdaıda 5 adamǵa deıin sportpen toptyq jáne jeke aınalysqan tulǵalarǵa, densaýlyǵyna baılanysty taǵa almaıtyn tulǵalarǵa maska taqpaýǵa bolady», - dedi mınıstr Úkimet otyrysynda.

Sonymen qatar ol daladaǵy qoǵamdyq tamaqtaný oryndarynda áleýmettik ara qashyqtyq saqtalǵan kezde maska taqpaýǵa bolatyndyǵyn atap ótti.

«Maska taǵý qoǵamda paıdaly daǵdyǵa aınalýy tıis. Ókinishke qaraı, búginde bul ýaqytsha bolsa da asa qajettilik bolyp otyr. Osylaısha, mindetti maska rejımin qamtamasyz etý aýrýdyń taralý qarqynyn tómendetý úshin qosymsha faktorǵa aınalady. Óıtkeni, maska taqqan kezde halyq arasynda ınfektsııanyń taralýy qysqarady. Sanıtarlyq talaptardyń kúsheıtilýiniń arqasynda sońǵy 4 aptada barlyq óńirde halyqtyń aýrýǵa shaldyǵý deńgeıiniń aıtarlyqtaı tómendegendigin atap ótkim keledi. Ortasha eseppen alǵanda el boıynsha aýrýǵa shaldyǵý 1,5 ese jýyq tómendedi», - dedi Alekseı Tsoı.

Osyǵan deıin mınıstr koronavırýs ınfektsııasynyń tirkelý jaǵdaılary 18 paıyzǵa tómendegendigin málimdedi.
Joǵary qaraı