Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Dene shynyqtyrý muǵalimderine sektsııa jumystary úshin qosymsha aqy tólenetin boldy

2021 jyldyń 15 qazan 2021 21:29

NUR-SULTAN. QazAqparat - QR Bilim jáne ǵylym mınıstri Ashat Aımaǵambetov áleýmettik jelide Ulttyq mektep sport lıgasynyń ashylý saltanatyna qatysqanyn habarlady.

Mınıstrdiń aıtýynsha, bıyl Ulttyq lıga 8 sport túrinen emes, 10 sport túrinen ótedi. Lıga sheńberinde uıymdastyrylatyn jarystar aldymen mektepterde, aýdan jáne oblysta, keıin respýblıka deńgeıinde ótedi.

«Mundaı is-sharalar balalarymyzdy sportpen aınalysýǵa yntalandyrý, sonyń ishinde qazaq halqynyń asyq atý jáne toǵyzqumalaq syndy dástúrli sport túrlerine baýlýǵa baǵyttalǵan.

Búgin mektep oqýshylary asyq oınap jatqanyn kórip, rıza boldym. Balalyq shaǵymda bul oıyn biz úshin fýtbol sııaqty tanymal oıyndardyń qatarynda bolatyn» dep jazdy Ashat Aımaǵambetov .

Sondaı-aq, odan balalar voleıbol, basketbol, fýtbol, fýtzal, ústel tennısi, jeńil atletıkalyq kross jáne basqa da sport túrlerin tańdaı alady.

«Mınıstrlik mektep jáne stýdentter sport lıgalaryn ótkizý sharalaryn qoldaıdy. Biz sport sektsııalarynyń jalpy sanyn 50 myńǵa deıin arttyrýdy josparlap otyrmyz. Memleket basshysy Joldaýynda buqaralyq sportty damytýǵa erekshe nazar aýdardy. Qoıylǵan mindetterdi iske asyrý úshin QR BǴM keshendi jumys júrgizedi. Mınıstrlik mektep oqýshylarynyń sanyna baılanysty sport zaldarynyń sanyn ulǵaıtýdy kózdeıtin ázirlenip jatqan mektepterdiń úlgilik jobalaryna usynystar engizdi», - deıdi ol.




Bilim mınıstriniń aıtýynsha, balalardy sektsııalarmen qamtý olardyń tálimgerlerine de baılanysty. Sondyqtan sport sektsııalaryn júrgizetin dene shynyqtyrý muǵalimderine jumystary úshin aı saıyn qosymsha aqshalaı qarajat tólenbek.

«Dene shynyqtyrý páni muǵalimderinen kóptegen usynys kelip túsetinin atap ótkim keledi. Olar sabaqtyń tıimdiligin arttyrý týraly óz oılarymen bólisedi. Jaqyn arada máseleni talqylaý jáne tıisti sheshimder qabyldaý úshin kezdesý ótkizetin bolamyn» dep túıdi sózin vedomstvo basshysy.





Joǵary qaraı