Aýa raıy
Astana 1 °S
Almaty 8 °S
valıýta baǵamy
USD 421.58
EUR 496.83
RUB 5.53
CNY 62.20

Demografııalyq damý saıasatynyń tujyrymdamasyn ázirleý qajet - Lázzat Súleımen

2020 jyldyń 17 qyrkúıek 2020 11:51

NUR-SULTAN. QazAqparat – QR Parlamenti Senatynyń jalpy otyrysynda depýtat Lázzat Súleımen Strategııalyq josparlaý jáne reformalaý agenttiginiń tóraǵasy Qaırat Kelimbetovke depýtattyq saýal joldady, dep habarlaıdy QazAqparat tilshisi.

Onda senator ulttyq deńgeıde de, óńirlik deńgeıde de adamı kapıtaldyń sany men sapasyn baǵalaýdyń zamanaýı memlekettik basqarýdaǵy orny erekshe ekenine toqtala kelip, demografııalyq faktorlar memlekettiń ekonomıkalyq jáne áleýmettik damýynyń negizgi quramdas bóligi ekenin atap ótti.

«Sońǵy onjyldyqta Qazaqstan halqynyń sany 2 mıllıon 400 myń adamǵa nemese 15,1 paıyzǵa ósti, negizinen onyń tabıǵı ósimimen qamtamasyz etildi», - dedi senator L.Súleımen óziniń saýalynda.

Onyń paıymynsha, demografııalyq ózgeristerdiń teris saldaryn eńserýdi aldyn ala strategııalyq josparlaý jáne bul maqsatqa qol jetkizip demografııalyq dıvıdend alý úshin, memleket adam kapıtalyna ınvestıtsııalardyń deńgeıi men qaıtarymyn arttyrýǵa baǵyttalǵan saıasat júrgizýi tıis. Ol úshin jastardyń eńbek naryǵyna tartylýyn ulǵaıtý, jastardyń densaýlyq, eńbek jáne reprodýktıvti quqyqtary, áleýmettik qoldaý kepildikterin qamtamasyz etýge baǵyttalǵan, bala týýdy qoldaý saıasaty naqty ári nátıjeli bolýy tıis.

Senator bul qadamdar halyqtyń sany men bólinýin, onyń aǵymdaǵy jáne boljamdy jas qurylymy men ósý qarqynyn túsiný qajet ekenine toqtaldy. Sondyqtan ishki kóshi-qon aǵyndaryn retteý jónindegi mindet, demografııalyq damý, halyqtyń dınamıkasyn boljaý jáne onyń ornyqty damýymen, reprodýktıvti densaýlyǵymen ári quqyqtarymen, genderlik teńdikti kúsheıtýmen, otbasy men halyqtyń álsiz toptaryn qoldaýmen baılanysty máselelerdi biryńǵaı memlekettik demografııalyq saıasat etip júıeleý qajettigin atap ótti.

Sonymen qatar elimizdiń demografııalyq damýy (demografııalyq qaýipsizdik) saıasatynyń 2020-2030 jyldarǵa arnalǵan baǵdarlamasyn/tujyrymdamasyn ázirleý qajet ekenin aıtty.


Avtor Rýslan Ǵabbasov
Basty sózder: Senat, Parlament,
Joǵary qaraı