Aýa raıy
Astana -14 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Demalys kúnderi elordada 30 mas júrgizýshi ustaldy

2020 jyldyń 16 qarasha 2020 16:38

NUR-SULTAN. QazAqparat - Elordada 13-15 qarasha aralyǵynda Jol júrisi erejesin buzýdyń 560-tan astam faktisi anyqtaldy. Onyń ishinde 30 júrgizýshi kóligin mas kúıde aıdaǵan, dep habarlaıdy QazAqparat tilshisi.

Máselen, Nur-Sultan qalalyq Polıtsııa departamentiniń málimetinshe, 14 qazan kúni saǵat shamamen 03:00-de jáne 05:30-da «LEXUS» pen «Subaru Impreza» kólikteri toqtatylǵan. Atalǵan kólikterdiń 44 jáne 26 jastaǵy júrgizýshileriniń qujattaryn tekserý barysynda olardan alkogoldiń ótkir ıisi shyqqan. Medıtsınalyq kýálandyrý barysynda ekeýi de jeńil kúıde alkogolge mas bolǵany anyqtalǵan.

«Mas kúıde kólik quralyn basqarǵan júrgizýshilerdiń ústinen QR Ákimshilik quqyq buzýshylyq týraly kodekstiń 608-baby 1-tarmaǵy boıynsha óndiristik is qozǵalyp, avtomobılder kommýnaldyq turaqqa qoıyldy. Ákimshilik sottyń sheshimimen mas kúıde rýlge otyrǵan júrgiýshiler 15-ten 20 táýlikke deıin tutqynǵa alynyp, 7 jylǵa kólik quralyn júrgizý quqyǵynan aıyrylýy múmkin», - dep atap ótedi departamentten.

Osy oraıda polıtsııa qyzmetkerleri qala turǵyndarynan mas kúıde kólik basqarǵan júrgizýshilerge kýá bolǵan jaǵdaıda 102 nemese 71-65-25 telefon nómirlerine habarlasýdy ótinip otyr.


Avtor Marlan Jıembaı
Basty sózder: Basqa memorgandar, Nur-Sultan,
Joǵary qaraı