Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

DDU boljamy: Eýropada «omıkron» shtamynan keıin pandemııa toqtaýy múmkin

2022 jyldyń 24 qańtar 2022 11:54

NUR-SULTAN. QazAqparat – Eýropada koronavırýstyń «omıkron» shtamynan keıin pandemııa toqtaýy múmkindigi týraly boljam jasaldy. Izraıl indetke qarsy tórtinshi dozamen egý nátıjelerin jarııalady. Bul týraly Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram-kanalynda aıtyldy, dep habarlaıdy QazAqparat.

Izraıl ǵalymdary vaktsınatsııa kezindegi údetkish dozalar týraly málimetterdi jarııalady. Bul jaǵdaıda preparattyń koronavırýsqa qarsy tórtinshi dozasynyń áseri baǵalandy. «Qorytyndy – vaktsınanyń tórtinshi dozasy koronavırýstan eki ese jaqsy qorǵaıdy», dep habarlady Izraıldiń Densaýlyq saqtaý mınıstrligi.

Bul sheshim 60 jastan asqan adamdar arasynda júrgizilgen zertteýlerdiń nátıjelerine negizdelgen, tórtinshi ret vaktsınatsııa jasaǵan 400 myń qart ızraıldiktiń, sondaı-aq vaktsınanyń tek úsh dozasyn alǵan 600 myń ızraıldiktiń derekteri eskerilgen.

Aıta keteıik, Izraıl koronavırýsqa qarsy tórtinshi dozamen vaktsınalaýdy qańtar aıynda bastady.

Dúnıejúzilik densaýlyq saqtaý uıymynyń sarapshylary koronavırýstyń «omıkron» shtamy Eýropada pandemııanyń toqtaýyna yqpal etýi múmkin degen boljam jasady. «Vırýstyń bul nusqasy COVID-19 ınfektsııasyn jańa, sońǵy fazaǵa aýystyrdy», dedi DDU Eýropalyq aımaqtyq bıýrosynyń dırektory Hans Klýge. «Eýropa pandemııanyń sońǵy kezeńine jaqyndap qalǵany ábden múmkin», - dedi Klýge. Onyń paıymdaýynsha, «omıkron» shtamy basylǵannan keıin Eýropada jahandyq ımmýnıtet biraz ýaqytqa saqtalady. Munyń sebebi vaktsınatsııa men aýrýdan saýyqqannan keıingi aǵzada bolatyn ishki qorǵanys.

Alaıda, bul rette, halyqty ımmýndaý qarqynyn tómendetýge esh jol berýge bolmaıdy.


Joǵary qaraı