Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

DDU álem elderin koronavırýs vaktsınasyn patenttik qorǵaýdy toqtatýǵa shaqyrdy

2021 jyldyń 8 mamyr 2021 11:31

JENEVA. TASS-QazAqparat – Dúnıejúzilik densaýlyq saqtaý uıymy álem elderin óndiristi kóbeıtý maqsatynda koronavırýs vaktsınasyn patenttik qorǵaýdy toqtatýǵa shaqyrdy. Bul týraly Jenevada brıfıngide DDU bas dırektory Tedros Adanom Gebreıesýs málim etti, dep habarlaıdy QazAqparat TASS agenttigine silteme jasap.

Ol sársenbi kúni taralyp ketken AQSh-tyń «COVID-19 vaktsınalaryn zııatkerlik menshikti qorǵaý quqyqtarynan ýaqytsha ala turý» týraly habarlamasyn oń qabyldady. «Biz basqa elderdi osy úlgige erýge shaqyramyz», - dedi bas dırektor. Ol qazirgi álemdegi epıdemıologııalyq ahýaldy «teńdessiz áreketterdi talap etetin teńdessiz daǵdarys» dep baǵalady.

DDU basshysy atap ótkendeı, «qazir ár apta saıyn álemde 100 myńǵa jýyq adam qaıtys bolýda, biz sozylmaly vaktsına daǵdarysyn keshýdemiz». Ol Dúnıejúzilik saýda uıymy aıasynda «osyndaı jaǵdaılarǵa arnalǵan» zııatkerlik menshik quqyqtaryn alý múmkindigi qarastyrylǵanyn eske saldy. «Bul múmkindikti qazir qoldanbasaq, qashan qoldanbaqpyz?» - dedi Gebreıesýs.

Patentti qorǵaýdy toqtatý vaktsına jasaý tehnologııasymen bólisýge ulasýy tıis. Uıym memleketterdi tehnologııalardy berýdi qoldap, tehnologııalar jáne noý-haýmen bólisý úshin «óndirýshilerdi yntalandyrý joldaryn usynýǵa» shaqyrdy. Budan bólek, DDU vaktsınanyń kóp kólemi bar elder COVAX koronavırýs preparatyna qoljetimdilik mehanızmi arqyly ony syıǵa beredi dep kútedi.

COVAX – DDU Vaktsınalar men ımmýndaý jónindegi jahandyq alıansy jáne Epıdemııalarǵa daıyndyqty qamtamasyz etý salasyndaǵy ınnovatsııa koalıtsııasymen birigip iske qosqan halyqaralyq mehanızm. Ol óndiristik kúshti qalyptastyryp, satyp alýdy júzege asyrady. Baǵdarlama sharttaryna sáıkes, tabys deńgeıi joǵary memleketter tabysy tómen elderge vaktsına alyp berdi. Josparlar boıynsha, mehanızm aıasynda 2021 jyldyń aıaǵyna deıin 2 mlrd doza vaktsına óndirilip, álem boıynsha birqalypty taratylýy tıis.


Basty sózder: Vaktsına, Koronavırýs, Álem, Qoǵam,
Joǵary qaraı