Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

DDSU qus tumaýynyń adamǵa juǵý faktisin rastady

2021 jyldyń 27 aqpan 2021 14:07

JENEVA. QazAqparat - 2021 jyldyń 26 aqpany kúni Dúnıejúzilik densaýlyq saqtaý Reseıde adamnyń H5N8 vırýsyn juqtyrýdyń álemdegi alǵashqy oqıǵasy tirkelgenin rastady. Buǵan deıin vırýs tek qustar arasynda ǵana taralǵan edi. Vırýsty eldiń ońtústik óńirleriniń birindegi qus fabrıkasynda jumys isteıtin 7 qyzmetker juqtyryp alǵan. Vırýs indetke shaldyqqandardan odan ári taramaǵan, bul onyń adamnan adamǵa juqpaıtynyn kýálandyrady. QazAqparat bul týraly BUU jańalyqtary saıtyna silteme jasap habarlaıdy.

«2021 jyldyń 18 aqpanynda Reseı Federatsııasyndaǵy ulttyq úılestirýshi DDSU-ǵa 7 adamnyń klınıkalyq taldaýynda qus tumaýy (H5N8) anyqtalǵanyn málimdedi», - delingen DDSU habarlamasynda. Onda vırýstyń Astrahan oblysyndaǵy qus fabrıkalarynyń birindegi qyzmetkerlerden anyqtalǵany atap ótiledi.

Reseıdiń DDSU-ǵa málimdeýinshe, 3-11 jeltoqsan kúnderi aralyǵynda Astrahan oblysyndaǵy fermalardyń birinde 900 myń taýyqtyń 101 myńy qyryldy. Bul jaǵdaıdan keıin arnaıy tergeý júrgizildi. Qustardan synamalar alynyp, Reseıdiń óńirlik veterınarlyq zerthanasy odan A (H5N8) qus tumaýynyń belgilerin anyqtaǵan.

«Qoldaǵy málimetke súıene otyryp, vırýstyń adamnan adamǵa juǵý qaýpi tómen bolyp qalyp otyrǵanyn aıtýǵa bolady», - delingen DDSU málimdemesinde.

Buǵan deıin bul máselege qatysty Rospotrebnadzor basshysy Anna Popova túsinikteme bergen edi, dep habarlaıdy QazAqparat TASS aqparat agenttigine silteme jasap.

«Ázirge biz A(H5N8) qus tumaýyn qozdyrýshy qustardan adamǵa juǵa alatynyn kórip turmyz – ol túraralyq kedergini buza aldy. Biraq vırýstyń bul nusqasy búginde adamnan adamǵa taralmaıdy», - dedi Anna Popova.

2020 jyly qus tumaýynyń A (H5N8) vırýstary sondaı-aq Qazaqstan, Bolgarııa, Ulybrıtanııa, Vengrııa, Germanııa, Mysyr, Irak, Nıderlandy, Polsha, Rýmynııa, Chehııa, Japonııa, Koreıa, Qytaı jáne ózge elderdegi úı jáne jabaıy qustardan anyqtalǵan. Alaıda bul vırýstyń adamǵa juqqany týraly habarlamalar buǵan deıin túsken joq.


Basty sózder: Álem, Qoǵam, Halyqaralyq uıymdar,
Joǵary qaraı