Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

DDSU COVID-19-ǵa qarsy qoldanýǵa bolatyn taǵy eki jańa preparatty usyndy

2022 jyldyń 15 qańtar 2022 10:44

JENEVA. QazAqparat – Dúnıejúzilik densaýlyq saqtaý uıymy (DDSU) COVID-19 juqtyrǵan naýqastardy emdeý kezinde paıdalanýǵa bolatyn eki jańa preparatty usyndy. Alaıda olardyń adamdardy aman alyp qalýy preparattardyń álemdegi baǵasyna baılanysty bolady.

Bul týraly QazAqparat BUU-nyń Jańalyqtar saıtyna silteme jasap habarlaıdy.

Birinshi «Barıtsıtınıb» preparaty COVID-19-dyń aýyr formasymen aýyratyn naýqastarǵa usynylady. Ol ıngıbator ıanýs-kınaz (JAK) dep atalatyn ımmýndyq júıeniń jaýap berý qabiletin tómendetetin preparattar sanatyna kiredi. Uıym ony kortıkosteroıdtarmen birge ishýge keńes beredi.

«Barıtsıtınıb» – quzdamalyq artrıtti emdeý kezinde paıdalanatyn kapsýla túrindegi preparat. Ol 2021 jyldyń shildesinde DDSU usynǵan ınterleıkın-6 retseptorlarynyń blokatorlary dep atalatyn artrıtti emdeýde qoldanylatyn basqa dárilerdiń balamasy.

Sonymen qatar DDSU «Sovtrovımab» monoklonaldy antıdene preparatyn paıdalanýǵa keńes berdi, alaıda ony belgili sharttardyń saqtalýymen aýrýhanaǵa túsý qaýpi joǵary COVID-19-dyń jeńil nemese orta formasymen aýyratyn naýqastardy emdeý kezinde paıdalanǵan jón. Atalǵan preparatty ekpe almaǵan naýqastar, egde jastaǵy adamdar, ımmýndyq júıesi álsirep qalǵandar men dıabet, gıpertonııa jáne semizdik sııaqty ilespeli aýrýlarmen aýyratyn naýqastarǵa ishýge keńes beriledi.

«Sovtrovımab» – aksırıvımab-ımdevımabtyń, monoklonaldy antıdeneler kokteıliniń balamasy. Ony 2021 jyldyń qyrkúıeginde DDSU usynǵan. Monoklonaldy antıdenelerdiń «omıkronǵa» qarsy tıimdiligi zerttelip jatyr. Bastapqy zerthanalyq zertteýler boıynsha, sotrovımab vırýstyń jańa shtamyna qarsy tıimdi.

Sonymen qatar DDSU-nyń sarapshylar toby COVID-19-dyń aýyr formasyn emdeýge arnalǵan taǵy eki preparatty qarastyrdy. Olar: rýksolıtınba ı tofatsıtınba. Uıym ázirge olardy paıdalanýǵa keńes bermeıdi, sebebi olardyń tıimdiligi dáleldenbegen.

DDSU COVID-19-dy emdeý boıynsha sheshimderin vırýstyń túrli formalarymen aýyratyn tórt myń naýqastyń qatysýymen ótken jeti zertteýdiń derekterine súıenip qabyldaıdy.

DDSU qazirgi kezde usynylǵan preparattardyń óndirýshilerimen olardy álemge taratý boıynsha kelissózder júrgizip jatyr. Sonymen qatar preparattar baǵasynyń barlyq elderde ádil bolýy talqylanýda.


Joǵary qaraı