Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Daıyn metall ónimderi Reseıden qymbat baǵamen ımporttalýda - mınıstrlik

2022 jyldyń 12 mamyr 2022 14:52

NUR-SULTAN. QazAqparat – Reseıden daıyn metall ónimderi qymbat baǵamen ımporttalýda. Bul týraly QR IIDM Indýstrııalyq damý komıteti tóraǵasynyń orynbasary Turar Jolmaǵambetov málim etti, dep habarlaıdy QazAqparat tilshisi.

«TMD elderi arasynda turǵyn úı qurylysy qarqyny boıynsha Qazaqstan kóshbasshylardyń qatarynda. Ol úshin qurylys materıaldary aýqymdy kólemde kerek bolatyny túsinikti. Elimizdegi qurylys nysandaryna kerek armatýranyń jartysyn otandyq óndirister qamtamasyz etedi. Qalǵanyn birneshe elden, onyń ishinde eleýli kólemin Reseıden ımportaımyz. Osy oraıda eksportqa ýaqytsha tyıym salý qadamy esebinen, otandyq óndiristerdi shıkizatpen qamtamasyz etý múmkindigi bar», - T. Jolmaǵambetov Ortalyq kommýnıkatsııalar qyzmetinde.

Onyń aıtýynsha, metall qaldyqtarynyń shyǵarylýyn shekteı otyryp, shıkizatty óńdeý, ishki naryqty qajetti ónimmen qamtamasyz etý maqsaty qoıylyp otyr. 2021 jyly Qazaqstannan Reseıge 124 mlrd teńgege 754 myń tonna qara metall synyqtary pen qaldyqtary shyǵaryldy. Bir tonnanyń ortasha baǵasy 165 myń teńge. Bıyl Reseıden Qazaqstanǵa 260 mlrd teńgege shamamen 700 myń tonna qurylys armatýrasy ımporttaldy. Bir tonnanyń ortasha baǵasy 375 myń teńge. Sonymen qatar baǵasy tonnasyna 1 mln teńgege deıin jetetin shvellerdi, qubyr men basqa da daıyn ónim ımporttalady.

«Ózimizdiń shıkizatty barynsha kóbirek óńdep, odan daıyn ónimderdi shyǵarýymyz kerek. Osy oraıda ishki naryqty qamtamasyz etý men daıyn zattardy eksportaýǵa múmkindik bolady», - dedi vedomstvo ókili.

Budan buryn habarlanǵandaı, el aýmaǵynan qara jáne tústi metaldardyń synyqtary men qaldyqtaryn shyǵarýǵa ýaqytsha tyıym salyndy.


Joǵary qaraı