Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Daýyl saldarynan Ýkraınanyń 8 oblysy elektr qýatynsyz qaldy

2021 jyldyń 7 tamyz 2021 14:12

NUR-SULTAN. Ýkrınform-QazAqparat – Jańbyr, kúshti jel saldarynan Ýkraınanyń segiz oblysyndaǵy 339 eldi mekende elektr qýaty óship qaldy, dep habarlaıdy QazAqparat Ýkrınform-ge silteme jasap.

Ýkraınada aýa-raıy qolaısyzdyǵynyń saldarynan segiz oblystaǵy 339 eldi meken elektr qýatynsyz qaldy, 20 ǵımarattyń shatyry qırap, alty turǵyn úı men 34 aýlany sý basqan. 163 aǵash qulaǵan.

«7 tamyz kúni saǵat 7-de aýa-raıynyń buzylýyna (jańbyr, naızaǵaı, jel ekpini) baılanysty segiz oblystaǵy 339 eldi meken (Poltava oblysynda 78, Cherkasta – 59, Chernıgov – 55, Odessa – 47, Sým – 40, Hmelnıtsk – 28, Kırovogradta – 24 jáne Nıkolaev oblysynda 8) elektr toǵynan ajyrap qaldy. Elektr berýdi qalpyna keltirý úshin oblystyq energetıka brıgadalary jumyldyrylǵan», - delingen Ýkraınanyń tótenshe jaǵdaılar boıynsha memlekettik qyzmetiniń habarlamasynda.

Sonymen qatar, daýyl jel 20 ǵımarattyń shatyryn zaqymdaǵan, nóser jańbyr saldarynan alty turǵyn úı men 34 jeke úıdi sý basqan jáne 163 aǵash qulaǵan, Tabıǵattyń oqys minezinen adamdar zardap shekpegen.

Qutqarýshylar 2 myń 486 tekshe metr sýdy sorǵyzyp, qulaǵan aǵashtardy kesip, jınady. Jumys aıaqtaldy. Oǵan Ýkraınanyń tótenshe jaǵdaılar boıynsha memlekettiń qyzmetiniń 204 qyzmetkeri men 61 tehnıkasy jumyldyrdy.


Basty sózder: Álem, Ýkraına,
Joǵary qaraı