Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Dáýren Nuralınov Qazaqstan Barysy atandy

2021 jyldyń 4 shilde 2021 19:05

NUR-SULTAN. QazAqparat - Qazaqstan Barysy-2021 týrnıriniń jeńimpazy belgili boldy, habarlaıdy QazAqparat.

Jartylaı fınalda týrnırdiń 2017 jylǵy jeńimpazyn jarystan shyǵarǵan jambyldyq Ǵalymjan Qyryqbaı shyǵysqazaqstandyq Dáýren Nuralınovqa ese jiberdi.

Osylaısha osymen onynshy ret ótken týrnırdiń tarıhyna jańa chempıonnyń aty jazyldy.

Negizgi ýaqytty qarsylastar bir-bir búk upaımen aıaqtaǵan bolatyn. «Beldesý» sátinde Dáýren Nuralınov jambyldyq balýandy «taza jeńispen» utyp ketti.

Dáýren Nuralınov jartylaı fınalda mańǵystaýlyq Nurdáýlet Jarylǵapovty jyqqan bolatyn.

Aıta keteıik, týrnır Qazaqstan Respýblıkasynda ulttyq sport túrlerin damytý arqyly salaýatty ómir saltyn qalyptastyrý qaǵıdattaryn nasıhattaý, jastardy ulttyq sport túrlerimen shuǵyldanýǵa tartý arqyly olardyń boıynda otansúıgishtik sezimdi qalyptastyrý, qazaq kúresin órkendetý arqyly ony ulttyq ıdeıa deńgeıine jáne halyqaralyq arenadaǵy bedelin kóterý maqsatynda ótkizildi.

On jyl boıy úzdiksiz ótip, mıllıondaǵan kórermenderdiń súıikti jobasyna aınalǵan «Qazaqstan Barysy» týrnıri - ulttyq qundylyqtardyń toǵysqan arnasy.

Týrnırdiń qurmetti qonaqtary Qazaqstan Respýblıkasy Prezıdenti Ákimshiligi Basshysynyń birinshi orynbasary Dáýren Abaev, QR mádenıet jáne sport mınıstri Aqtoty Raıymqulova jáne Nur-Sultan qalasynyń ákimi Altaı Kólginov qatysyp, balýandarǵa sáttilik tiledi.

Onynshy ret ótken básekege elimizdiń 14 oblysynan, Almaty, Shymkent, Nur-Sultan qalalarynda irikteýden ótken 36 úzdik balýan qatysty, onyń ishinde kúsh qurylymdary arasynda ótken «Ásker Barysy» týrnıriniń jeńimpazdary da bar.

Qatysýshy balýandardyń 11-i jobada tuǵysh ret baq synady. Balýandar Qazaq kuresi Assotsıatsııasy bekitken erejege saı kúresti.

Týrnırdiń eń aýyr salmaqty balýany E.Qajybaev 155 keli bolsa, eń jeńil salmaqta Ersultan Muzapparov 90 keli boldy.

Aqtyq beldesýde Shyǵys Qazaqstan oblysy men Jambyl oblysynyń balýany kezdesip, baby men baǵy teń túsken Dáýren Nuralınov (ShQO) - «Qazaqstan Barysy» atandy.

Al kúmis belbeýdi Ǵalymjan Qyryqbaı ıelense, qola belbeýdi mańǵystaýlyq Nurdáýlet Jarylǵapov jeńip aldy.

Shara aıasynda sporttyq saıystarmen qatar Ramazan Stamǵazıev, Qýandyq Rahym, «Alataý serileri» etno-toby án shyrqap, tikeleı efırde ulttyq kúres jankúıerleriniń kóńilin kóterdi.

Týrnırdi QR Mádenıet jáne sport mınıstrligi, «Nur-Otan» partııasy, Nur-Sultan qalasy ákimdiginiń qoldaýymen Qazaq kuresi Assotsıatsııasy jáne «Qazaqstan Barysy» qazaq kúresin qoldaý jáne damytý qory uıymdastyrdy. Sondaı-aq, «Qazaqtelekom» AQ men «Magnum» Qazaqstandaǵy №1 saýda-bólshek jelisi demeýshilik jasady.

Onynshy barysqa 25 000 000 teńge jáne altyn belbeý men altynnan quıylǵan aýyspaly «taıtuıaqty» Qazaq kuresi assotsıatsııasy birinshi vıtse-prezıdenti Samat Ábish tabystady. Ekinshi oryn ıegeri Jambyl oblysynyń balýanyna 5 500 000 teńge jáne kúmis belbeý berildi.

Úshinshi oryn alǵan Mańǵystaý oblysynyń balýany Nurdáýlet Jarylǵapov 1 800 000 teńge, sáıkesinshe qola belbeýmen marapattaldy.

Balýandardy marapattaý rásimine Qazaqstannyń jaýyngerlik óner assotsıatsııasynyń prezıdenti Ánýar Sadyqulov, Qazaqstannyń jaýyngerlik óner assotsıatsııasynyń birinshi vıtse-prezıdenti Málik Mýrzalın, Qazaq kuresi assotsıatsııasy bas hatshysy,«Qazaqstan Barysy» qazaq kúresin qoldaý jáne damytý qoǵamdyq qory qamqorshylyq keńesiniń tóraǵasy Qýanyshbek Esekeev, Nur-Sultan qalasy dene shynyqtyrý jáne sport basqarmasynyń basshysy Samat Erǵalıev jáne «Qazaqstan Barysy» jobasynyń bas demeýshisi, Magným saýda jelisiniń basqarma tóraǵasy Azamat Osmanov qatysyp, jarys jeńimpazdary men júldegerlerin arnaıy marapattady.

Eske salsaq, taǵy bir Qazaqstan Barysy Muhıt Tursynov týrnırden birinshi aınalymda shyǵyp qaldy.

Taǵy bir Qazaqstan Barysy Aıbek Nuǵymarov shırek fınalda aqtóbelik Elaman Erǵalıevten utylyp qalǵan bolatyn.

Avtor Esimjan Naqtybaı
Basty sózder: Qazaq kúresi, Sport,
Joǵary qaraı