Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Dáýren Abaev: Joshy ulysy – dala memlekettiliginiń arhetıpi

2021 jyldyń 28 qazan 2021 13:21

ATYRAÝ. QazAqparat —Qazaq handyǵynyń qurylý tarıhyn Kereı, Jánibek handar men Ábilhaıyr hannyń arasyndaǵy arazdyqpen shekteýge bolmaıdy. QR Prezıdent Ákimshiligi Basshysynyń birinshi orynbasary Dáýren Abaev Atyraýda ótip jatqan «Ulyq ulys — Altyn Orda» atty halyqaralyq konyerentsııada osyndaı pikir bildirdi, dep habarlaıdy QazAqparat tilshisi.

«Altyn Orda — tamyry tereń tarıhymyzdyń bir paraǵy ǵana emes. Bul – qazaq ulty men memlekettiliginiń altyn besigi. Biz san túrli ulystar men rý-taıpalardan quralǵan Ulyq ulystyń qazanynda qaınap, jeke ult bolyp qalyptastyq, derbes handyq qurdyq. Buǵan tarıhpen ásire maqtaný dep emes, genetıkter dáleldegen derek dep qaraǵan jón. Oǵan qosa Joshy Ulysy – dala memlekettiliginiń arhetıpi, bastaý bulaǵy. 1465 jyly Kereı men Jánibek handar negizin qalaǵan Qazaq handyǵynyń qurylý sebebin Ábilqaıyrǵa kóńili tolmaǵan 200 myń halyqtyń údere kóshkeni dep qana qarastyrýǵa bolmaıdy. Qandaı kúshti bolsa da, ókpe men renish memleket quraýshy ıdeıa bola almaıdy», — dedi Dáýren Abaev.




Sondaı-aq, ol alǵashqy qazaq handarynyń túpki oıy – Altyn Orda jobasyn qaıta jańǵyrtyp, Joshy ulysynyń aýmaǵyn, onda turatyn halyqty biriktirý bolǵanyn eske saldy.

«Jyldar óte bul jobany uly handarymyzdyń biri – Qasym han júzege asyrdy. Ol Orynbordan Maýrennahrǵa deıingi alyp aımaqty baǵyndyryp, bılik júrgizdi. Elbasy 2014 jyly Ulytaýdyń tórinde bergen suhbatynda Altyn Ordadan Qazaq handyǵyna deıingi sabaqtastyq jelisin aıqyndap bergeni beker emes. Bul ıdeıany Shoqan Ýálıhanovtyń qazaqtar ózderin altynordalyqtardyń urpaǵy sanap, qurmetteıdi degen sózi de qýattaı túsedi. ıAǵnı bul burynnan belgili derekter, talas týdyrmaıtyn aıǵaqtar. San ǵasyr ótse de, Altyn Ordanyń máni men mańyzynyń halqymyzdyń sanasynda berik saqtalýy sondyqtan. Áz-Jánibek, Edige, Toqtamys, Asan qaıǵy sııaqty Altyn Orda kezindegi qaıratkerler týraly jyr-dastandar tól folklorymyzdyń ajyramas bóligi», — dedi Prezıdent Ákimshiligi Basshysynyń birinshi orynbasary.

Ol sóz arasynda Kenesary Qasymulyna deıingi qazaq bıleýshileriniń bári de Joshy hannan taraıtynyn atap ótti. «Jańa elordamyz – Nur-Sultan qalasyn Uly dalada ásem shaharlar salǵan Ulyq Ulys bıleýshileri ǵurpynyń jalǵasy deýge bolady», — dedi Dáýren Abaev.






Joǵary qaraı