Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Dáýren Abaev Prezıdent tapsyrmasynan keıin qyzmetinen alynǵan ákimder týraly aıtty

2021 jyldyń 18 maýsym 2021 10:49

NUR-SULTAN. QazAqparat – QR Prezıdenti Ákimshiligi Basshysynyń birinshi orynbasary Dáýren Abaev «Ashyq dıalog» suhbatynyń bul jolǵy sanynda Soltústik Qazaqstan oblysy Aıyrtaý jáne Esil aýdandary ákimderiniń qyzmetinen alynýyna qatysty pikir bildirdi, dep habarlaıdy QazAqparat tilshisi.

Eske salsaq, Memleket basshysy Qasym-Jomart Toqaev «Kazahstanskaıa pravda» gazetinde jarııalanǵan «Zalojnıkı ravnodýshııa» atty maqalada aıtylǵan máselege nazar aýdaryp, tekserý qorytyndysy boıynsha ońtústik óńirlerden qonys aýdarǵandarǵa durys jaǵdaı jasamaǵan eki aýdannyń ákimi qyzmetinen alynǵan bolatyn.

Dáýren Abaev suhbat barysynda bul shara atalmysh keleńsizdikke qatysty Prezıdent qabyldaǵan sheshimniń bir bóligi ǵana ekenin atady.

«Jalpy siz aıtyp otyrǵan mysaldy «Halyq únine qulaq asatyn memleket» tujyrymdamasynyń ómirde iske asýy dep aıtýǵa bolady. Biraq ákimderdi qyzmetinen alý – Memleket basshysynyń bul keleńsizdikke nazar aýdarýynyń bir bóligi ǵana. Árıne, sheneýnikterdi jazalap, jumystan alý jýrnalıster úshin árqashan tartymdy aqparattyq sebep ekenin bilesiz. Biraq munyń artynda basqa da jumystar jatyr. Prezıdent eńbek tapshylyǵy bar óńirlerden halyqty kóshirý isiniń sapaly atqarylýyn tapsyrǵan bolatyn», - dedi Prezıdent Ákimshligi Basshysynyń birinshi orynbasary.

Dáýren Abaev bul baǵdarlamanyń maqsaty Ońtústik pen Soltústik arasyndaǵy demografııalyq teńgerimsizdikti joıý ekenin eske saldy.

«Bul jumys josparly túrde, naýqanshyldyqqa salynbaı, san qýalap ketpeı iske asýy kerek. Qonys aýdarýshylarǵa jaǵdaı jasaý qajet. Bul – aksıoma. Biraq qonys aýdarýshylar da jańa ortaǵa beıimdelip, ıntegratsııaǵa túsý kerektigin túsingeni abzal. Tek ákimdikke shaǵymdana bermeı, óz taǵdyry úshin jaýapkershilikti óz qoldaryna alýy kerek. Kóbi surap jatyr. Aýdan ákimderine nege qatań jaza qoldanyldy? Ony da ońaı túsindirýge bolady. Óıtkeni bul baǵdarlama adamdardyń taǵdyrymen baılanysty», - dedi ol.


Joǵary qaraı