Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Dáýren Abaev: Memlekettik baǵdarlamalardy baǵalaýdyń jańa ólshemderi engiziledi

2021 jyldyń 18 maýsym 2021 11:08

NUR-SULTAN. QazAqparat – Memlekettik baǵdarlamalardyń nátıjesin bólingen qarajattyń jumsalý deńgeıimen ólsheý beleń alyp otyr. Prezıdent Ákimshiligi Basshysynyń birinshi orynbasary Dáýren Abaev «Ashyq dıalog» suhbatynda osyndaı oı aıtty, dep habarlaıdy QazAqparat tilshisi.

«Kez kelgen PR-maman sizge repýtatsııany jaqsartýdyń eń jeńil ári tóte joly «jyldam jeńisterge» baǵdarlaný ekenin rastap beredi. Bul - qysqa merzimge tıimdi, qoǵam jappaı maquldaıtyn sharalar. Sondyqtan, kóbinde memlekettik organdardyń buqaralyq bastamalary jyldam jeńisterge baǵyttalady. Al uzaq ýaqyt boıy, meılinshi eleýsiz júretin júıelik ózgeristiń mańyzy odan áldeqaıda zor. Bári «Strategııalyq josparlaý jáne reformalar jónindegi agenttik qaıda?» dep surap jatady. Dál osy organ qaıyrymy az ispen aınalysyp jatyr. Ondaǵy mamandar memlekettik reformalardyń oryndalý tásilin ózgertýge kirisip ketken. Memlekettik baǵdarlamalardyń tıimdiligi men iske asyrylýyn baǵalaýdyń jańa ólshemderi engizilýde», - dedi Dáýren Abaev.

Ol, sondaı-aq, sońǵy kezde tıimdiliktiń basty ólshemi bıýdjetti ıgerý bolyp ketkenin eske aldy.

«Aqsha jumsalǵan bolsa, qandaı da bir nátıje berdi dep qabyldaý qalypqa aınalǵan. Bulaı bolmaýy kerek. Taǵy bir mysal retinde josparlaý isin alyp qaraıyq. Esepterden jıi estımiz. Jospardy 5 paıyzǵa, keıde tipti 10 paıyzǵa asyra oryndadyq dep jatady. Biraq bul mindetti túrde jaqsy iske asyryldy degen sóz emes. Kóbinese onyń basty sebebi nashar josparlaýdan týyndap jatady. Tipti keıde maqsattyq kórsetkishterdi nátıjege ıkemdep jiberý jaıttary kezdesedi. Sondyqtan, qaıtalap aıtamyn, osyndaı qaltarystardyń bárimen atalǵan agenttik aınalysyp otyr. Osy turǵydan alsaq, bul árıne, qaıyrymsyz jumys bolyp kórinedi», - dedi Prezıdent Ákimshiligi Basshysynyń birinshi orynbasary.


Joǵary qaraı