Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Dáýren Abaev memleket áleýmettik zertteýlerdi qanshalyqty qajetsinetinin aıtty

2021 jyldyń 15 qazan 2021 11:35

NUR-SULTAN. QazAqparat – QR Prezıdenti Ákimshiligi basshysynyń birinshi orynbasary Dáýren Abaev memleket áleýmettik zertteýlerdi qanshalyqty qajetsinetinin aıtty, dep habarlaıdy QazAqparat tilshisi.

«Búgingi is-sharaǵa qazaqstandyq áleýmettaný ǵylymynyń barlyq qaýymy jınalǵanyn paıdalanyp, sizderdiń keıde seriktes, tipti keıde opponent ári synshy retindegi jumystaryńyzǵa rızashylyǵymdy bildirgim keledi. Bul óte mańyzdy ról. Óıtkeni, dál osy sotsıologııa shynaıy jaǵdaıdy oı eleginen ótkizýge kómektesedi. Sizder qoǵam úshin jáne memleket úshin de álem kartınasyn qurylymdaısyzdar», dedi ol Qazaqstan áleýmettanýshylarynyń VII kongresinde.

Onyń atap ótýinshe, qazirgi ýaqytta memleket múldem ártúrli formattaǵy áleýmettik zertteýlerdń eń iri tapsyrys berýshileriniń biri bolyp otyr.

«Jáne de bul memlekettik apparattyń úlken kólemdegi málimetterge uzaqmerzimdi qajettiligi jáne zertteýler áleýmettik bilimge, daǵdy men saraptamalarǵa ınstıtýtsıonaldy suranysty qalyptastyrady. Al turaqty suranys salany jáne tolyqtaı alǵanda áleýmettanýdyń ulttyq mektebin damytýǵa kómektesedi», - dedi QR Prezıdenti Ákimshiligi basshysynyń birinshi orynbasary.

Osy oraıda ol barynsha mańyzdy bastamalardy eske salyp ótti.

«Buǵan deıingi jyldary bul suranystyń qoǵamdyq-saıası jaǵdaıdy ólsheýden bastap, memlekettik josparlaý júıesiniń ındıktorlaryn ólsheýge deıingi elektoraldyq monıtorıngtiń qalaı qalyptasqanyn menen jaqsy bilesizder. El Prezıdentiniń azamattar tarapynan ákimderdiń qyzmetin baǵalaý jónindegi bastamasy memleket tarapynan mańyzdy qadam boldy. 2019 jyldan beri mundaı baǵalaý jylsaıyn júrgiziledi. Ázirshe olar jylyna 2-3 óńirdi ǵana qamtıdy. Biraq, úlken aýyldyq okrýgterge deıin baǵalaý barynsha qomaqty ári jan-jaqty», - dedi Dáýren Abaev.


Avtor Marlan Jıembaı
Basty sózder: Qoǵam,
Joǵary qaraı