Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Dáýren Abaev Qazaqstan men Frantsııanyń fýtbol matchyna qatysty pikir bildirdi

2021 jyldyń 17 qarasha 2021 21:48

NUR-SULTAN. QazAqparat – QR Prezıdenti Ákimshiligi Basshysynyń birinshi orynbasary Dáýren Abaev Qazaqstan men Frantsııa arasyndaǵy atyshýly fýtbol matchy týraly pikir bildirdi, dep habarlaıdy QazAqparat tilshisi.


«13 qarashada Parıjde Frantsııa - Qazaqstan fýtbol matchy ótti, onda Qazaqstan 8:0 esebimen oısyraı jeńildi. Muny bizdiń otandastarymyz óte aýyr qabyldady. Kópshiligi elimizdegi fýtboldy qarjylandyrýdy toqtatýdy talap etti», - dedi «Habar» arnasynda «Ashyq dıalog» baǵdarlamasynyń júrgizýshisi Dáýren Abaevqa.

«Iá, osy match qorytyndysyna jaýap qatqandar kóp boldy. Árıne úlken eseppen jeńilý óte aýyr. Quramanyń ózi barlyq oqıǵadan qorytyndy shyǵarady dep oılaımyn. Eshkimdi synaǵym kelmeıdi. Jigitter onsyz da kóp nárse estidi – ásirese jaǵymsyz pikirler kóp boldy. Alda qyrýar jumys bar. Eńseni túsirmeý kerek. Bul rette irikteý kezeńinde quramamyz jaqsy oıyn kórsetti. Ýkraınamen eki matchta, Bosnııa jáne Gertsegovınamen qonaq matchyn oınaǵanda bárimiz qýanyp, qol shapalaqtadyq. Árıne, bul deńgeı aýa raıyna, ótetin ornyna, kúntizbelik júktemege qaramastan únemi saqtalýy kerek. Osyndaı deńgeıge únemi umtylý qajet. Fýtbol federatsııasy da, Qazaqstan quramasy da muny jaqsy túsinedi», - dedi QR Prezıdenti Ákimshiligi Basshysynyń birinshi orynbasary.

Sonymen birge D. Abaev fýtboldy qarjylandyrýǵa qatysty suraqqa jaýap berdi.

«Bul jerde Prezıdent kásibı sportty qoldaýdan buqaralyq balalar sportyna basa nazar aýdarýdy tapsyrdy. Bul baǵyttaǵy jumys qazirdiń ózinde júrip jatyr. Biraq biz qazaqstandyq fýtboldy qoldaýdan tolyq bas tartýǵa bolmaıtynyn túsinýimiz kerek. Fýtbol – álemdegi eń tanymal sport túri. Fýtboldy elemeı, buqaralyq jáne balalar sportyn damytý múmkin emes shyǵar. Óıtkeni, eń daryndy balalar úshin kásibı klýbtarda oınaý jaqsy yntalandyrý bolar edi», - dedi ol.


Joǵary qaraı