Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Dáýren Abaev «Kazakh Tourism» AQ aldynda turǵan mindetterdi atap ótti

2022 jyldyń 19 qańtar 2022 20:16

NUR-SULTAN. QazAqparat – QR Mádenıet jáne sport mınıstri Dáýren Abaev «Kazakh Tourism» Ulttyq kompanııasy» Aktsıonerlik qoǵamyna bardy, dep habarlaıdy QazAqparat.

Mınıstrliktiń baspasóz qyzmetinen málim etkendeı, kompanııa tóraǵasy Talǵat Amanbaev uıym jumysynyń negizgi baǵyty, týrızm salasyn damytýdyń aspektileri jáne bolashaq josparlar týraly aıtyp berdi.

Kezdesýde Dáýren Abaev elimizdiń rekreatsııalyq, týrıstik áleýetin arttyrý isinde kompanııaǵa erekshe jaýapkershilik júkteletinin atap ótti.

«Bizdiń maqsatymyz – álemge Qazaqstannyń kórikti jerlerin ǵana kórsetý emes ekendigin túsinýimiz qajet. Sonymen qatar biz halyqaralyq ınvestorlarmen yntymaqtasýǵa, ınfraqurylymdy damytýǵa jáne Qazaqstan týraly tolyǵyraq bilgisi keletin barlyq adamdar úshin tıisti jaǵdaı jasaıtyn, óz mindettemelerin qatań oryndaýǵa daıyn ashyq memleketti usynýǵa tıispiz. Bul el ekonomıkasyna týrıstik salanyń úlesin arttyrýǵa jáne onyń sheteldegi oń ımıdjin nyǵaıtýǵa múmkindik beredi», - dedi Dáýren Abaev.

Sondaı-aq mınıstr búginde memleket týrıstik baǵyttardyń ınfraqurylymyn sapaly jańartýǵa eleýli ınvestıtsııalar salyp jatqanyn, elge týrısterdi tartý úshin, Qazaqstannyń týrıstik salasyn damytýǵa qarajat salýǵa daıyn ınvestorlar úshin túrli jeńildikter men preferentsııalar usynylyp otyrǵanyn aıtty.

Sóz sońynda Dáýren Abaev týrızm salasy men Kazakh Tourism kompanııasynyń aldynda turǵan birqatar mindetterdi atap ótti.


Joǵary qaraı