Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Dáýren Abaev Almatydaǵy birqatar sport nysandarynyń jumysymen tanysty

2022 jyldyń 27 qańtar 2022 17:15

NUR-SULTAN. QazAqparat – Dáýren Abaev Almatydaǵy birqatar sport nysandarynyń jumysymen tanysty, dep habarlaıdy QazAqparat QR Mádenıet jáne sport mınıstrliginiń resmı saıtyna silteme jasap.

Mınıstr «Sportshylardyń dopıngke qarsy zerthanasy» RMQK, «K.Ahmetov atyndaǵy olımpıada rezerviniń respýblıkalyq mamandandyrylǵan mektep-ınternat-kolledji» RMM jáne «Sporttyq medıtsına jáne ońaltý ortalyǵy» RMQK jáne «Respýblıkalyq sport kolledji» respýblıkalyq memlekettik qazynalyq kásipornyna bardy.

Mekemelerdiń ujymymen kezdesý barysynda mınıstr Qazaqstan Respýblıkasynyń Prezıdenti Qasym-Jomart Toqaevtyń sportty damytý jáne nasıhattaý, halyq arasynda sporttyq ınfraqurylymnyń qoljetimdiligin arttyrý baǵytynda aýqymdy mindet qoıǵanyn atap ótti.

«Bıylǵy jyl buqaralyq sportty damytý turǵysynan qaraǵanda jaǵymdy jańalyqtardan bastalmaǵanyn moıyndaýymyz kerek. Bul jerde sport sektsııalaryn jan basyna qarjylandyrý mehanızmi týraly aıtqym keledi. Sońǵy jaǵdaılarǵa baılanysty birden birneshe faktor áser etip, barlyq óńirlerde olar jumysyn toqtatty. Qazir kimniń kináli ekenin anyqtap otyratyn ýaqyt emes. Ol ákimdik pe, mınıstrlik pe, jetkizýshiler me nemese qazynashylyq pa, mańyzdy emes. Budan eń birinshi balalar zardap shegip otyr, sondyqtan biz bul máseleni múmkindiginshe tez sheshýimiz kerek. Alaıda jumysty jedeldetý bizdi «sur shemamen» kúreste, ásirese «óli jandarmen» jumys isteıtinder qarajat alýǵa tyrysqan kezde de jaýapkershilikten bosatpaıdy. Qazir, ókinishke qaraı, qarjylandyrý erejelerinde osyndaı olqylyqtar kóp, biz ony jaqyn arada joıýǵa tyrysamyz. Qoǵamnan osynyń barlyǵyn qalpyna keltirýge sál ǵana ýaqyt berýin suraımyn», - dedi Dáýren Abaev.




Sondaı-aq Dáýren Abaev Úkimettiń sportty damytý jónindegi is-sharalar josparyna engizilgen birqatar tásilder men is- sharalardy maquldaǵanyn aıtty:

«Birinshi kezekte bul sport sektsııalarynyń sanyn arttyrý, sport nusqaýshylaryn kóbeıtý, áýesqoı klýbtar jelisin keńeıtý, sport ǵımarattaryn salý, sporttyq-buqaralyq is-sharalardy ótkizý jáne sportshylar men jattyqtyrýshylardy ómir boıy aısaıynǵy qamtamasyz etýdi ulǵaıtý, sportshylardyń shtattyq sanyn turaqty túrde arttyrý jónindegi is -sharalar».

Mınıstr, búginde memleket sporttyq medıtsınany damytýǵa jáne dopıngke qarsy qatań saıasat júrgizýge, onyń ishinde halyqaralyq ınstıtýttar men zerthanalarmen yntymaqtastyqqa erekshe kóńil bóletinin atap aıtty.








Joǵary qaraı