Aýa raıy
Astana 18 °S
Almaty 24 °S
valıýta baǵamy
USD 412.55
EUR 468.66
RUB 5.79
CNY 58.80

Dárihanalar dári-dármek baǵasyn sebepsiz qymbattatsa, qaıda shaǵymdanýǵa bolady

2020 jyldyń 30 maýsym 2020 10:28

NUR-SULTAN. QazAqparat QR Densaýlyq saqtaý vıtse-mınıstri Oljas Ábishev dárihanalar dári-dármek baǵasyn negizsiz ósirgen jaǵdaıda qaıda shaǵymdanýǵa bolatynyn aıtty, dep habarlaıdy QazAqparat.

«Sońǵy ýaqytta dárihanalarda dári-dármek baǵasy kúrt qymbattap ketti degen aqparattar, fotosýretter men posttar óte kóp tarap jatyr. Osy tusta 2019 jyly tamyz aıynda QR Densaýlyq saqtaý mınıstrligi elimizdegi barlyq dárihanalarda kóterme jáne bólshek saýda úshin dári-dármektiń shekti baǵasyn belgileý týraly buıryqqa qol qoıǵanyn esterińizge salamyn. Búgingi tańda buıryqtyń aǵymdaǵy nusqasynda 6000-nan astam dáriniń kóterme jáne bólshek saýda baǵalary belgilengen» dep jazady vıtse-mınıstr Facebook paraqshasynda.

Onyń aıtýynsha, buıryqtyń talaptaryn saqtaý maqsatynda halyq qoldanysy úshin barlyq smartfonda jumys isteıtin 3 tildi «DARIKZ» mobıldi qosymshasy jasalǵan. Ol tegin qyzmet kórsetedi.

Mobıldi qosymshada elimizdiń dárihanalarynda shekti baǵaǵa qatysty shaǵym berý boıynsha fýnktsıonal bar.

«Osy fýnktsıonaldyń kómegimen elimizdiń kez kelgen azamaty dárihanalarda shekti baǵa boıynsha buıryqtyń saqtalýyn tekserip, dári-dármektiń baǵasy shekti kórsetkishten joǵary bolǵan jaǵdaıda shaǵym bere alady. Mobıldik qosymsha arqyly berilgen barlyq shaǵymdardy QR Densaýlyq saqtaý mınıstrliginiń Taýarlar men qyzmetterdiń sapasy men qaýipsizdigin baqylaý komıteti qaraıdy jáne buzý faktisi rastalǵan jaǵdaıda Densaýlyq saqtaý mınıstrligi ony retteý úshin barlyq qajetti sharalardy qoldanady» deıdi Oljas Ábishev.

Qosymsha arqyly shaǵym berý úshin 3 qarapaıym qadam jasaý jetkilikti:

1) Dári-dármekti shekti baǵamen tabý

2) Shaǵym berý bastyrmasyna basý jáne qajetti aqparatty engizý

3) «Jiberý» batyrmasyn basý.

Qosymshany myna siltemede júktep alýǵa bolady.



Joǵary qaraı