Aýa raıy
Astana 12 °S
Almaty 17 °S
valıýta baǵamy
USD 412.55
EUR 468.66
RUB 5.79
CNY 58.80

Dárihanada tapshy dáriler bazarda satylýda

2020 jyldyń 9 shilde 2020 15:38

NUR-SULTAN. QazAqparat - Dárihanalardyń kassalyq apparattardy ádeıi óshiretindigi anyqtaldy. Bul týraly QR Sybaılas jemqorlyqqa qarsy is-qımyl agenttiginiń Parasattylyq departamentiniń dırektory Ǵanıjan Asanuly aıtty, dep habarlaıdy QazAqparat tilshisi.

«Elorda dárihanalarda monıtorıng qorytyndysy boıynsha «Amlodımed» preparatynyń baǵasyn 327 teńgege, al «TsEF-3» preparatynyń baǵasyn 2 950 teńgege kóterý faktileri anyqtaldy. Jambyl oblysynda dárihanalarda tapshy bolyp otyrǵan «Paratsetamoldy» bazarlarda tıisti ruqsatsyz satqandyǵy anyqtalǵan», - dedi ol agenttiktiń baspasóz alańynda ótken brıfıng barysynda.

Onyń dereginshe, Almaty oblysynda shekti somasy 1 382 teńge bolatyn «Aspırın-Kardıo» 3 500 teńgege, «Zıtmak» 4 052 teńgeniń ornyna 7 000 teńgege, al «Tsıprolet» 1 260 teńgeniń ornyna 2 200 teńgege satylǵan.

«Sondaı-aq, keıbir dárihanalar kassalyq apparattardy ádeıi óshiretini anyqtaldy. Batys Qazaqstan oblysynda shekti quny 118 teńgelik maskalar dárihanalarda 150 teńgeden satý faktisi anyqtaldy. Pavlodar oblysynda dárihanalardyń birinde satyp alynǵan «Paratsetamol» bizdiń elimizdiń aýmaǵynda tirkelgenine kúmán týǵyzdy. Óıtkeni onyń qaptamasynda memlekettik tilde jazbasy joq jáne medıtsınalyq qoldaný jónindegi nusqaýlyq berilmegen. Túrkistan oblysynda «Klavam» preparaty 980 teńge ornyna 1 680 teńgege satylǵan. Sondaı-aq, atalǵan oblysta óz qyzmetin tıisti ruqsatsyz júzege asyratyn dárihana anyqtaldy», - dedi Ǵanıjan Asanuly.

Departament basshysynyń aıtýynsha, barlyq anyqtalǵan faktiler boıynsha tıisti sharalar qabyldaý úshin materıaldar ýákiletti organdarǵa joldandy.


Joǵary qaraı