Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Dárigerler Nur-Sultanda jantúrshigerlik jol apatynan aman qalǵan qyzdy aıaqqa turǵyzdy

2021 jyldyń 13 qazan 2021 20:19

NUR-SULTAN. QazAqparat – Akademık Batpenov atyndaǵy ulttyq travmatologııa jáne ortopedııa ǵylymı ortalyǵynyń dárigerleri Nur-Sultan kópirinde bolǵan jol apatynan aman qalǵan qyzdy aıaqqa turǵyzdy, dep habarlaıdy QazAqparat tilshisi.

«30 qyrkúıekte bizdiń ortalyqtyń qabyldaý bólimine túsken. Naýqasty tekserip, omyrtqasy men julynyna shuǵyl ota jasaldy. Ota 4,5 saǵatqa sozyldy. Naýqastyń jaǵdaıy turaqtanǵannan keıin odan ári emdeý úshin jalpy bólimge aýystyryldy. Keshe qyz úıge shyqty, qazir ózdiginen qozǵala alady. Alda ony ońaltý sharalary kútip tur», - dedi ǵylymı ortalyqtyń baspasóz qyzmeti.

Baspasóz qyzmetiniń ókilderi jantúrshigerlik apattan aman qalǵan qyzdyń ońalýyna ortalyqtaǵy medıtsınalyq personaldyń bári úles qosqanyn, ásirese reanımatolog pen hırýrgtardyń, neırohırýrgtardyń jumyla júmys isteýi sebep bolǵanyn aıtady.

Dárigerlerdiń aıtýynsha, qyzdyń ómirge degen qushtarlyǵy da oǵan jasalǵan emdik sharalardyń aǵzaǵa jaqsy áser etýine yqpal jasaǵan.

Aıta keteıik, qyzǵa otany №1 travmatologııa bóliminiń meńgerýshisi Murat Baıdarbekov, anestezıolog – anestezıologııa jáne reanımatsııa bóliminiń meńgerýshisi Tursyn Jeksembıev jasaǵan.

Eske salsaq, 30 qyrkúıek kúni elordada jantúrshigerlik kólik apatynan 5 adam mert bolyp, jalǵyz qyz aman qalǵan bolatyn.

Ol jolaýshy elordadaǵy akademık Nurlan Batpenov atyndaǵy Ulttyq ǵylymı travmatologııa jáne ortopedııa ortalyǵyna jetkizildi.

4 qazan kúni naýqas dárigerler naýqasty jansaqtaý bóliminen palataǵa aýystyrylatynyn aıtty.



Joǵary qaraı