Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Dáriger: Vaktsınatsııa – koronavırýs ınfektsııasyn jeńýdiń jalǵyz joly

2021 jyldyń 21 qańtar 2021 12:04

ALMATY. QazAqparat - Joǵary sanatty dáriger-pýlmonolog Sattar Eralıev qazaqstandyqtardy koronavırýs ınfektsııasyna qarsy vaktsınatsııaǵa belsendi qatysýǵa shaqyrdy, dep habarlaıdy QazAqparat tilshisi.

Pýlmonologtyń aıtýynsha, vaktsınatsııa – koronavırýs ıfektsııasyn jeńýdiń jalǵyz joly.

«Vaktsınatsııa - kóptegen ınfektsııalyq aýrýlardy jeńdi. Bul ǵylymı dáleldengen dúnıe. Qazir KVI-ge qarsy dári joq. Tipti, bolmaýy da múmkin. Bul álimdik medıtsına tarıhynda bar dúnıe. Mysaly, sheshek aýrýyna dári tabylǵan joq. Osy aýrýǵa baılanysty kezinde qanshama pandemııalar boldy. Jer sharynda myńdaǵan adam kóz jumdy. Sheshekti tek vaktsınatsııalaý arkyly jeńdik. Sondyqtan, vaktsınatsııa – koronavırýs ıfektsııasyn jeńýdiń jalǵyz joly. Negizi, aýrýmen adamnyń aǵzasy kúresedi. Biz berip jatqan dári-dármekter aýrýǵa tótep berý úshin adam aǵzasynyń qorǵanysyna sep bolady. Mysaly, ottegi jetpeı jatsa, ottegin beremiz, qan qoıýlansa, sony suıyltatyn dári beremiz. ıAǵnı, sımptomatııalyq em júrgizemiz. Jalpy, biz zaqymdanǵan aǵzanyń qyzmetin qalpyna keltirýge tyrysamyz», - dedi ol.

Sonymen qatar, ol Qazaqstanda jappaı vaktsınatsııa bastalǵan kezde adamdardy belsendi túrde qatysýǵa shaqyrdy.

«Koronavırýspen aýyrǵan naýqastar vaktsına saldyrý kerek, óıtkeni aýrýdan keıin ımmýnıtet 3 aıdan 6 aıǵa deıin qalyptasady. Osy ýaqyt aralyǵynda olar taǵy da juqtyryp alýy múmkin. Men turǵyndardy vaktsınatsııaǵa belsendi qatysýǵa shaqyramyn. Qazir kóptegen elder vaktsınaǵa qarsylyq tanytýda. Desek te, vaktsınatsııa qarqyndy júrip jatqan elder de bar», - dedi dáriger.

Sóz sońynda dáriger halyq barlyq sanıtarlyq qaýipsizdik sharalaryn saqtaý kerektigin atap ótti.

«Eń aldymen úlken kisilerge erekshe nazar aýdarý kerek. Biz egde jastaǵylardy úıde otyrýǵa shaqyramyz, alaıda olarǵa otbasy músheleri syrttan koronavırýsty alyp kelýi múmkin. Sondyqtan, jastar barlyq sanıtarlyq talapty qatań saqtaýy tıis. Bul áleýmettik qashyqtyqty saqtaý, maska kııý, qolyńyzdy jýý. Respıratorlyq ınfektsııanyń belgileri bolǵan kezde úıde shyqpaǵan abzal. Sebebi siz ózińizdi ǵana emes, ózgelerdi de qorǵaısyz. Eger optımıstik turǵydan qarasaq, meniń oıymsha, 2021 jyldyń sońyna deıin pandemııa máselesi sheshiledi. Bul árıne tıimdi vaktsınalardyń jasalýymen baılanysty», - dep túıindedi ol.


Avtor Alma Muqanova
Basty sózder: Medıtsına, Almaty,
Joǵary qaraı