Aýa raıy
Astana -2 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Dáriger ımmýnıtetti nyǵaıtýdyń tıimdi joldaryn atady

2020 jyldyń 17 qyrkúıek 2020 15:10

ALMATY. QazAqparat – Qazaqstan profılaktıkalyq medıtsına akademııasynyń prezıdenti Almaz Sharman turǵyndarǵa ımmýnıtetti qalaı kóterýge bolatynyn aıtty, dep habarlaıdy QazAqparat tilshisi.

Onyń aıtýynsha, KVI jáne taǵy basqa ınfektsııalardan saqtaný úshin durys tamaqtaný kerek. Ásirese, kókónister men jemis-jıdekterdi kóp jeý qajet.

«Qazir kúz mezgili. Jemis-jıdek pen kókónisterdiń pisip jatqan ýaqyty. Olardyń densaýlyqqa paıdasy orasan zor. Ásirese, alma men júzimdi kóbirek jeńizder. Júzimniń quramynda antıoksıdant bar. Ol ókpeni dertten qorǵaıdy. Sondaı-aq, qys mezgilinde keptirilgen nemese tońazytqyshta saqtalǵan jemisterdi jeý adam azǵasy úshin óte paıdaly. Ol túrli ınfektsııalardan qorǵaıdy», - deıdi Almaz Sharman.

Sonymen qatar, ol D vıtamınin alý da mańyzdy ekenin jetkizdi.

«Qazir aýa raıy tamasha. Kún shýaqty bolyp tur. Dalada taza aýada kóbirek serýendeńizder. Kún sáýlesinen D vıtamınin alasyzdar. Durys uıyqtaý da mańyzdy. Ol ımmýnıtetti kóteredi. Streske túspeý jaǵyn oılańyzdar. Ol ımmýnıtetti tómendetedi. Sondyqtan jaǵymsyz habarlarǵa kóp mán bermeýge tyrysyńyzdar. Men adamzat balasy koronavırýs pandemııasyn jeńedi degen úmittemin», - dedi spıker.


Avtor Alma Muqanova
Basty sózder: Almaty, Qaýipsizdik, Medıtsına,
Joǵary qaraı