Aýa raıy
Astana -2 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Dáriger: Densaýlyqtyń negizi - myqty ımmýnıtet

2020 jyldyń 17 qyrkúıek 2020 00:30

KÓKShETAÝ. QazAqparat - «Aýyl» halyqtyq-demokratııalyq patrıottyq partııasynyń Aqmola boıynsha fılıaly medıtsına qyzmetkerleriniń qatysýymen «Maýsymdyq tumaý aýrýlary aldynda ımmýnıtetti nyǵaıtý» taqyrybynda onlaıyn jıyn ótti, dep habarlaıdy QazAqparat tilshisi.

Jıynda ımmýnıtetti nyǵaıtý, tumaýdy koronavırýsten ajyratý joldary talqylandy. Aqmola oblystyq kópsalaly aýrýhanasynyń nevrologııa bólimshesiniń meńgerýshisi Maksharıp Martazanov óziniń tájirıbesi týraly aıtty.

Onyń koronavırýs ınfektsııasyna shaldyqqan naýqastardy emdeý tájirıbesi bar. 2014 jyly onyń jetekshiligimen Atbasarda, Stepnogorde jáne Aqmola oblystyq №2 aýrýhanasynda osyndaı ortalyqtar ashylyp, sonyń arqasynda Aqmola oblysynda ótkir ınsýlt kezinde shuǵyl kómek kórsetýdi tolyq óńirlendirýge qol jetkizildi.

«Ár adam óziniń densaýlyǵyn oılaýy tıis. Densaýlyqtyń negizi - myqty ımmýnıtet jáne aýrýdy durys aldyn alý», - dedi M.Martazanov óz sózinde.

Sonymen qatar, ol sýyq tııýden paıda bolatyn tumaýdyń erekshe belgilerin aıta kele, koronavırýstan aıyrmashylyǵyna toqtaldy. Koronavırýste naýqastyń dene qyzý 37 jáne odan joǵary bolady. Tynys alýy qıyndap, jónel, keıde tamaq aýrady. Koronavırýs adamnyń ókpesin, júıke júıesin jáne júrek-qan tamyrlaryn zaqymdap, ımmýnıtetine keri áser etedi.

Dáriger koronavırýspen aýyrǵandardy emdeý kezinde, ózi de qaýipti dertti juqtyryp, emdelgen. Ókinishke oraı, koronavırýske qatysty DDU synaqtan ótkizip, ruqsat bergen birde-bir vaktsına joq.

«Ekpe alǵan adamnyń tumaýmen aýrý táýekeli óte sırek. Vaktsına aýyrǵan kezinde onyń jeńil ótýine sep bolyp, asqynýyna jol bermeıdi», - dep tolyqtyrdy M.Martazanov.

Jıyn barysynda dárigerge tumaý jáne koronavırýske qatysty saýaldar qoıylyp, jaýaptar alyndy.


Joǵary qaraı