Aýa raıy
Astana -23 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Danııar Eleýsinov tıtýldyq jekpe-jek aldynda málimdeme jasady

2020 jyldyń 27 qarasha 2020 07:15

NUR-SULTAN. QazAqparat – Jartylaı orta salmaqtaǵy qazaqstandyq boksshy Danııar Eleýsinov (9-0, 5 KO) namıbııalyq burynǵy álem chempıony Jýlıýs Indongomen (23-2, 12 KO) jekpe-jek aldynda salmaq ólshep, kóz atystyrdy, dep habarlaıdy QazAqparat Sports.kz resýrsyna silteme jasap.

Saltanatty sharadan keıin boksshy DAZN Boxing portalyna aldaǵy jospary jaıynda aıtyp berdi.

- Qarsylasyń bul aıqas ol úshin túk emes ekenin, ońaı jeńetinin aıtty. Sen de oǵan jaýap retinde qınalmaı utatynyńdy jetkizdiń. Nege oǵan senimdisiń, bilýge bola ma?

- Maǵan báribir, bul men úshin mańyzdy emes. Óıtkeni, men rıngke tek jeńý úshin shyǵamyn. Rıngke shyqqan soń Indongo is júzinde jańaǵy sózine jaýap berýge tıis. Bul oǵan ońaıǵa soqpaıtyny anyq, al maǵan túk emes.

- Qaǵaz júzinde bul - seniń sport jolyńdaǵy eń kúrdeli aıqas. Keıbireýler saǵan mundaı jekpe-jekke shyǵýǵa áli erte dep jatyr. Óziń ne oılaısyń?

- Men ózime senimdimin, keremet sezimdemin. Men buǵan daıynmyn.

Eske sala keteıik, 27 qarasha kúni Amerıkanyń Florıda shtatyndaǵy Seminole Hard Rock Hotel & Casino arenasynda boks keshi ótedi. Onda Eleýsinov men Indongo jartylaı orta salmaqtaǵy IBF Inter-Continental belbeýine talasady.

Qazaqstanda bul kezdesýdi «Habar» telearnasy tikeleı efırde kórsetedi.

Translıatsııa astana ýaqytymen 06:00-de bastalady.

Aıta keteıik, Danııar sońǵy jekpe-jegin ótken jyldyń jeltoqsan aıynda ótkizip, 5-raýndta amerıkalyq Alan Sanchesti (20-5-1, 10 KO) tehnıkalyq nokaýtpen jeńgen edi.



Avtor Janat Qapalbaeva
Basty sózder: Sport, Boks,
Joǵary qaraı