Aýa raıy
Astana 5 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Danelııa Tóleshova America's Got Talent fınalynda óner kórsetti

2020 jyldyń 23 qyrkúıek 2020 08:33

NUR-SULTAN. QazAqparat - Danelııa Tóleshova AQSh-tyń Los-Anjeles qalasynda ótip jatqan America's Got Talent shoýynyń fınalynda óner kórsetti, dep habarlaıdy QazAqparat.

Fınalda 14 jasar qazaqstandyq jas daryn Sia atty tanymal ánshiniń «Alive» ánin shyrqady.

«Bul sonshalyqty ońaı kompazııatsııa emes. Daıyndyqqa ýaqyt az qalsa da, biz osy ándi tańdadyq. Meni qoldap, jyly sózin aıamaǵan jandardyń bárine alǵysym sheksiz, bul men úshin óte mańyzdy» deıdi oryndaýshy.

Danelııa Tóleshovanyń PR-dırektory Tatıana Sınenkonyń sózine sensek, endi aldyńǵy eki týr sekildi munda da bir táýlik boıy kórermender ózine unaǵan úmitkerge daýys beredi, al onyń nátıjesi erteń jarııalanady.

Jalpy, baıqaýdyń sońǵy sheshýshi kezeńinde 10 ánshi baq synaǵan, onyń ishinde altaýy - ártúrli jastaǵy vokalıster.

Eske salaıyq, Danelııa Tóleshova shilde aıynyń sońynda amerıkalyq America’s Got Talent jobasynyń úshinshi týryna ótken bolatyn. Álemge tanymal baıqaý pandemııaǵa baılanysty onlaın formatta uıymdastyryldy.

Keıin qazaqstandyq jas ánshi America's Got Talent talanttar shoýynyń fınalyna ótti.

Aıta keteıik, Danelııa baıqaýda qazylar alqasyn tań qaldyrǵan edi. Onyń ónerine tánti bolǵan zal tik turyp, qol soqty.



Avtor Janat Qapalbaeva
Basty sózder: Mádenıet, Óner, Amerıka,
Joǵary qaraı