Aýa raıy
Astana -7 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Danelııa Tóleshova America's Got Talent baıqaýynda jeńiske jete almady

2020 jyldyń 24 qyrkúıek 2020 09:23

NUR-SULTAN. QazAqparat - Danelııa Tóleshova amerıkalyq America's Got Talent shoýynda jeńilip qaldy, dep habarlaıdy QazAqparat.

Bıylǵy America's Got Talent baıqaýynda 1-oryndy Brendan Lık atty qatysýshy jeńip aldy. Ol 1 mln dollar júldeniń ıesi atandy.

Daýys berý nátıjesi konkýrstyń Instagram jelisindegi resmı paraqshasynda jarııalandy.

Danelııa Tóleshova Amerıkada bir táýlikke sozylǵan daýys berý nátıjesi boıynsha úzdikter qataryna endi.


Eske sala keteıik, Danelııa Tóleshova shilde aıynyń sońynda amerıkalyq America’s Got Talent jobasynyń úshinshi týryna ótken bolatyn. Álemge tanymal baıqaý pandemııaǵa baılanysty onlaın formatta uıymdastyryldy.

Keıin ol America's Got Talent talanttar shoýynyń fınalyna ótti.

Keshe 14 jasar qazaqstandyq jas daryn baıqaýdyń fınalynda óner kórsetip, Sia atty tanymal ánshiniń «Alive» ánin shyrqady.

Jalpy, baıqaýdyń sońǵy sheshýshi kezeńinde 10 ánshi baq synaǵan, onyń ishinde altaýy - ártúrli jastaǵy vokalıster.




Avtor Janat Qapalbaeva
Basty sózder: Mádenıet, Óner, Amerıka,
Joǵary qaraı