Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Dana Nurjigit: Ulttyq qundylyq televızııalyq reıtıngten joǵary bolýy kerek

2021 jyldyń 25 aqpan 2021 11:03

NUR-SULTAN. QazAqparat – Senat depýtaty Dana Nurjigit otandyq televızııadaǵy keıbir baǵdarlamalar ulttyq ustanymdarymyzǵa qaıshy dep esepteıdi. Bul týraly Parlament ókili Úkimet basshysyna joldaǵan saýalynda aıtty, dep habarlaıdy QazAqparat tilshisi.

Depýtattyń aıtýynsha, búgingi televızııalyq kontenttiń kórermen eń kóp qaraıtyn ýaqyty – praım-taımda (18:00 – 24:00) ulttyq sanaǵa soqqy bolatyn, halyqtyń ar namysyna tıetin taqyryptarǵa arnalyp otyr. Depýtat reıtıng kóterýge baǵyttalǵan sensatsııalyq taqyryptarǵa arnalǵan tok-shoýlar ıdeologııany nasıhattaý úshin jumys istemeıdi degen pikirde.

«Qazaqstannyń aqparat salasyndaǵy zańnamasynda telearnalardyń basty qaǵıdaty bolýǵa tıisti «ulttyq qundylyqtardy saqtaý», «dáripteý», «nasıhattaý» degen uǵym-túsinik joq. Biz otandyq arnalardyń barlyq ıelerinen efırde kórsetiletin kez kelgen kontenttiń ulttyq qundylyqtar qaǵıdasyna negizdelýin talap etpeıinshe qoǵamdaǵy rýhanııat deńgeıi kóterilmeıdi. Halyqaralyq tájirıbeni zerdeleı otyryp, Qazaqstan Respýblıkasynyń Úkimetinen zańnamada joǵaryda atalǵan talapty kózdeıtin normalardy qarastyrýdy jáne tıisti zańnamalyq aktilerge qajetti ózgerister men tolyqtyrýlar engizý máselesin qarastyrýdy suraımyn», - deıdi senator.


Avtor Aıan Bekenuly
Basty sózder: Senat, Parlament,
Joǵary qaraı