Aýa raıy
Astana 10 °S
Almaty 23 °S
valıýta baǵamy
USD 412.55
EUR 468.66
RUB 5.79
CNY 58.80

Dana Nurjigit: Karantın tártibin saqtaý - ultty saqtaý

2020 jyldyń 3 tamyz 2020 10:33

NUR-SULTAN. QazAqparat - QR Parlament Senatynyń depýtaty Dana Nurjigit karantın tártibin saqtaý ózińdi ǵana emes, ultty saqtaý degen pikirde, dep habarlaıdy QazAqparat tilshisi.

«Qymbatty otandastar, álemdi bir sátte tar qapasqa aınaldyrǵan indet jarty jylǵa jýyq ýaqyt ishinde, ókinishke qaraı, árbir qazaqstandyq otbasyn aınalyp ótpedi desek - qatelespeımiz. Ata-anamyzdan, baýyrlarymyzdan, dos, tanys, áriptesterimizden qapyda aıyrylyp jptyrmyz. Kózge kórinbeıtin, qubylyp baryp tutqıyldan shabatyn kesirli indet elimizdiń qanshama darynyn, darasyn aramyzdan julyp áketti.

«Jaý jaǵadan alǵanda, bóri etikten shalady» demekshi, tar jerde qoǵamnyń eski jaralary - jemqorlyq, alypsatarlyq sııaqty jıirkenishti faktorler áshkerelenip jatsa, ekinshi jaǵynan indetpen kúresip jatqan dárigerlerdiń jankeshtiligi, olarǵa kómekke kelgen eriktiler, jer-jerde qaıyrymdylyq jasap júrgen jandardyń qatary kóbeıip, adamgershilik pen otansúıgishtiktiń eń bıik úlgisine kýá bolyp jatyrmyz», - dedi QR Parlament senatynyń depýtaty Dana Nurjigit Instagram paraqshasyna jarııalaǵan beınejazbada.

Onyń aıtýynsha, bul kúres Qazaqstan qoǵamyn ózgertip jatyr.

«Ult retinde, qoǵam retinde synnan ótip, ortaq qasiretke qarsy turyp, bekı tústik dep anyq aıta alamyn. Bul kúres bizdiń ómir saltymyzdy ózgertti. Sol arqyly sanamyzdy ózgertip jatyr. Іndet ult, memleket retinde saqtalyp, aman qalýdyń basty sharty - temirdeı tártip ekenin sanamyzǵa turyp quıyp jatyr. Kez kelgen tártip qanmen jazylady. Ókinishke qaraı, bul - aqıqat. Іndet qurbandary osy sózime dálel. Karantın tártibin saqtaý ózińdi ǵana emes, ultty saqtaý ekenin umytpaıyq. Sabyr saqtap, toı, jıyndy toqtatyp, janazany da qazirgi jaǵdaıǵa saı ótkizip, indettiń órshýine jol bermeıik. Barlyǵyńyzǵa amandyq tileımin», - deıdi ol.


Avtor Zarına Qaharman
Basty sózder: Koronavırýs, Senat, Parlament,
Joǵary qaraı