Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Daǵdarystan shyǵynsyz shyǵý kerek, sanktsııalardy da eskergen jón – Prezıdent

2022 jyldyń 19 mamyr 2022 19:18

NUR-SULTAN. QazAqparat – QR Prezıdenti Qasym-Jomart Toqaev otandyq bıznes ókilderimen kezdesýinde shet elderden ınvestıtsııa tartý týraly pikir bildirdi, dep habarlaıdy QazAqparat tilshisi.

«Básekege qabiletti taýar naryqtarynyń shamadan tys baǵalyq rettelýi eldi jeke ınvestıtsııalardan aıyrady. Nátıjesinde memleket osyndaı salalarǵa ınvestıtsııa salýǵa májbúr, sóıtip bıznestegi isi bulyńǵyr, ıkemsiz operatorlardyń sanyn arttyrady. Óte muqııat bolý kerek jáne naryqtyq ekonomıkanyń negizgi prıntsıpterinen aýytqymaý qajet. Bul taýar naryqtaryna da, tabıǵı monopolııalar qyzmetteriniń tarıfterine de qatysty», - dedi Memleket basshysy.

Prezıdent ınvestıtsııalyq ahýal týraly aıtyp, osyndaı kúrdeli jaǵdaılardyń ózinde de Eýroodaqtan, AQSh-tan, Qytaıdan, tek qarjylyq qana emes, keń tehnologııalyq quzyretteri bar basqa da elderden ınvestıtsııalar kólemin saqtaý jáne ulǵaıtý úshin bar kúsh-jigerdi jumsaıtynyn atap ótti.

«Baýyrlas Túrkııa men Ortalyq Azııa elderi mańyzdy saýda-ınvestıtsııalyq seriktesterge aınalyp keledi. Jolǵa qoıylǵan baılanystar men tizbekterdi saqtaı otyryp, qazirgi daǵdarystan shyǵynsyz shyǵý kerek. Bul jumysty jandandyrý qajet, biraq árıne sanktsııalar kontekstin de eskergen jón», - dedi Q. Toqaev.


Joǵary qaraı