Aýa raıy
Astana -18 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

COVID-19: Qazaqstan Azııa Damý Bankinen qaryz alady

2020 jyldyń 24 qarasha 2020 11:01

NUR-SULTAN. QazAqparat – Májilistiń jalpy otyrysynda «Qazaqstan men Azııa Damý Banki arasyndaǵy Qaryz týraly kelisimdi ratıfıkatsııalaý týraly» zań jobasy maquldandy, dep habarlaıdy QazAqparat tilshisi.

QR Qarjy mınıstri Erulan Jamaýbaevtyń aıtýynsha, 2020 jylǵy 13 tamyzdaǵy QR Prezıdentiniń № 385 Jarlyǵyna sáıkes, 908 mln 596 myń eýro somasyndaǵy Qazaqstan Respýblıkasy men Azııa Damý Banki arasyndaǵy Qaryz týraly kelisimge qol qoıyldy.

«Bul QR Úkimetiniń COVID-19 pandemııasynyń saldarymen kúres jáne ekonomıkany qalpyna keltirý jónindegi sharalaryn qoldaýǵa múmkindik beredi. Óteý merzimine qatysty qaryz eki bólikke bólingen. 454 mln 298 myń eýro somasyndaǵy qaryzdyń bir bóligi, ıaǵnı jartysy 3 jyldyq jeńildik kezeńdi qosa alǵanda, 10 jyl merzimge beriledi. Al qalǵan 454 mln 298 myń eýro somasyndaǵy ekinshi jartysy 3 jyldyq jeńildik kezeńdi qosa alǵanda, 5 jyl merzimge beriledi. Syıaqy mólsherlemesi ‒ Eýrıbor+0,50%», - dep túsindirdi mınıstr.

Kelisimde belgilengen qarjylyq sharttarǵa sáıkes, qaryzǵa qyzmet kórsetý jáne ony óteý respýblıkalyq bıýdjet qarajaty esebinen júzege asyrylady.

«Kórsetilgen qarajatty tartý bıýdjettiń bekitilgen tapshylyǵy jaǵdaıynda asa qajet bolyp tabylady. Kelisimniń jaqyn arada kúshine enýi mańyzdy. Bul qarajat Azııa Damý Bankiniń pandemııaǵa qarsy kúres jónindegi arnaıy arnaıy sheshimimen Qazaqstan Respýblıkasy úshin 2020 jylǵa rezervtelgen», - dedi E. Jamaýbaev.


Joǵary qaraı