Aýa raıy
Astana 6 °S
Almaty 21 °S
valıýta baǵamy
USD 421.58
EUR 496.83
RUB 5.53
CNY 62.20

COVID-19 qaıta órshigen jaǵdaıda «103» qyzmeti qalaı jumys isteıdi

2020 jyldyń 18 qyrkúıek 2020 13:20

NUR-SULTAN. QazAqparat - Jaz maýsymynda indet órshigen kezde jedel járdem qyzmetine júkteme birneshe ese artqany belgili. Nur-Sultan qalasy ákimdiginiń qoǵamdyq densaýlyq saqtaý basqarmasy koronavırýstyq ınfektsııa qaıtalanǵan jaǵdaıda «103»-ke júktemeni azaıtý boıynsha sharalar qabyldaýda, dep habarlaıdy QazAqparat.

Osylaısha, «103» dıspetcherlik pýltteriniń sany 14-ten 30-ǵa deıin ulǵaıdy. Qajet bolǵan jaǵdaıda qońyraýlarǵa qyzmet kórsetetin jedel járdem brıgadalarynyń sany bastapqy medıtsınalyq sanıtarlyq kómek uıymdarynda 70 brıgadaǵa, jedel járdem stantsııasynyń deńgeıinde 90 brıgadaǵa deıin artady.

Kronavırýs jáne pnevmonııamen aýyratyn naýqastardy gospıtalızatsııalaýdyń jańa algorıtmi bekitildi.

«Jedel járdem stantsııasynyń bazasynda baılanys ortalyǵy ashyldy. ıAǵnı, aýmaqtyq emhanalardyń qyzmetkerleri turǵyndarǵa koronavırýspen baılanysty suraqtary boıynsha túsinikteme berýge ázir. Osylaısha «103» jelisine júkteme azaıdy. Sonymen qatar, qala turǵyndary jedel járdem shaqyrý úshin Telegram áleýmettik jelisindegi chat-botty árdaıym qoldana alady», - dedi basqarma basshysynyń orynbasary Álııa Rústemova.

Álııa Rústemovanyń aıtýynsha, ahýal ortalyǵynyń jumysy epıdemıologııalyq ahýaldy baqylaý jáne naýqastardy aýrýhanaǵa jatqyzý, sondaı-aq resýrstardy tıimdi bólý maqsatynda medıtsınalyq uıymdardyń ózara árekettestigi boıynsha jedel basqarý sheshimderin qabyldaý úshin uıymdastyrylǵan.


Basty sózder: Medıtsına, Koronavırýs,
Joǵary qaraı