Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

«COVID-19-dy lıdokaın jáne fızıologııalyq eritindimen emdeýge bolady» - feık

2022 jyldyń 20 qańtar 2022 15:32

NUR-SULTAN. QazAqparat – Áleýmettik jelide koronavırýs ınfektsııasyn emdeý shemasy taratylýda. Oǵan sensek, naýqastarǵa fızıologııalyq eritindi men lıdokaın qospasymen ıngalıatsııa jasaý qajet kerek. Alaıda, stopfake.kz saıtynyń jazýynsha bul ádis vırýstyq aýrýlarmen kúreste tıimdi emes, dep habarlaıdy QazAqparat.

Qaraǵandy medıtsına ýnıversıteti ishki aýrýlar kafedrasynyń qaýymdastyrylǵan professory, PhD doktory Aleksandr Marchenko mundaı emdeý joly COVID-19 jaǵdaıynda ýaqytty bosqa joǵaltýǵa ákelýi múmkin. Koronavırýs kezinde ýaqyt sheshýshi faktor bolýy yqtımal.

«Bul emdeý ádisiniń tıimdiligi óte kúmándi. Odan tikeleı zııan joq, biraq órkókirektik saldarynan ýaqyt joǵaltyp alýyńyz múmkin. Medıtsınalyq kómekke kesh júginý aman qalý yqtımaldyǵyn azaıtady. Men ne jaıly aıtyp otyrǵanymdy bilemin, óıtkeni men «qyzyl» aımaqta jumys istedim jáne sarapshy retinde jaǵdaılardy shaǵymdar boıynsha egjeı-tegjeıli taldadym. Olardyń barlyǵy birdeı – aldymen adamdar ınternetten tapqannyń bárimen emdeldi. Al emdeý tıimsiz ekenin túsine bastaǵanda, keıde tipti aýyr jaǵdaıda juqpaly aýrýlar aýrýhanasyna túsedi. Árıne, aýrýhanaǵa jatpaı-aq saýyǵyp shyqqandary bar, biraq koronavırýs ınfektsııasyn juqtyrǵan jaǵdaıda tynys alý joldarynyń jetkiliksizdiginiń damýyna jol bermeý kerek», – dep túsindirdi Aleksandr Marchenko.

Qazaqstandyqtar buǵan deıin de COVID-19 emdeýdiń kúmándi tásilderin taratqan bolatyn. Biz aýrýdy gıdroksıhlorokınmen, kádimgi kókpen jáne lımon qosylǵan ystyq sýsynmen jeńýge bolatyndyǵy týraly feıkterdi joqqa shyǵardyq.

Barshańyzdy osyndaı usynystarǵa senbeýge shaqyramyz. Syrqattanǵan jaǵdaıda dereý bilikti medıtsınalyq kómekke júginý qajet.



Joǵary qaraı