Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

CQO-daǵy monıtorıng toptar 2600-den astam reıd ótkizdi

2021 jyldyń 31 shilde 2021 04:23

PETROPAVL. QazAqparat – Soltústik Qazaqstan oblysynda monıtorıng toptary 2600-den astam reıd ótkizip, karantın buzýǵa qatysty 555 derekti anyqtady, dep habarlaıdy QazAqparat tilshisi.

SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, óńirde 23 monıtorıng toby jumys isteıdi.

Olar qańtar aıynan bastap 2656 ret reıdke shyqqan, 18 386 nysandy teksergen. Nátıjesinde karantındik shekteýlerdi buzýǵa qatysty 555 faktini tirkedi.

«Reıd barysynda toı ótkizip jatqandardyń ústinen túsemiz. Dezınfektsııalyq, maska taǵý rejımi saqtalmaıdy. Dúkenshiler betperdesiz qyzmet kórsetip, kásipkerler nysandardyń jumys isteý ýaqytyn buzady. Polıtsııa qyzmetine jáne beıimdeý ortalyqtaryna túsken jedel habarlamalar boıynsha jospardan tys 38 tekseris júrgizildi, nátıjesinde 600-ge jýyq ákimshilik hattama toltyryldy. Jalpy somasy 40 mln 374 myń teńge bolatyn 556 aıyppul salyndy», - deıdi SQO sanıtarııalyq-epıdemıologııalyq baqylaý departamentiniń bólim basshysy Danııar Ospanov.

SQO COVID-19-dyń taralýy boıynsha «qyzyl» aımaqta. Qaýipti indetti juqtyrǵandar sany kúnnen-kúnge artyp keledi.

Ótken táýlikte óńirde koronavırýsty juqtyrýdyń 152 jaǵdaıy tirkeldi.

Osyǵan baılanysty sanıtar dárigerler sanıtarııalyq talaptardy qatań ustanýǵa shaqyrady.


Joǵary qaraı