Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

CQO-da jyl basynan 100 myńǵa jýyq adam tegin dári-dármekpen qamtyldy

2021 jyldyń 18 maýsym 2021 15:01

PETROPAVL. QazAqparat – Soltústik Qazaqstan oblysynda mindetti áleýmettik medıtsınalyq saqtandyrý aıasynda bes aı ishinde 163 mln jýyq teńgege ońaltý qyzmeti kórsetilse, 266,1 mln teńge somasyna 5 939 adam tegin dárilik zattarmen qamtamasyz etildi, dep habarlaıdy QazAqparat tilshisi.

«Áleýmettik medıtsınalyq saqtandyrý qory» KEAQ SQO boıynsha fılıaly baspasóz qyzmetiniń málimetinshe, óńirde mamandandyrylǵan medıtsınalyq kómekti ambýlatorııalyq jaǵdaıda 17 alǵashqy medıtsınalyq-sanıtarlyq kómek uıymy jáne eki kópbeıindi oblystyq aýrýhana, eki qalalyq aýrýhana, «Esil-dıagnostık» JShS kórsetedi.

Jyl basynan 2,2 mlrd teńgege 1 214 789 ambýlatorııalyq konsýltatsııalyq-dıagnostıkalyq qyzmet kórsetildi, onyń ishinde zerthanalyq jáne aspaptyq zertteýler, skrınıngtik zertteýler, mobıldi brıgadalardyń qyzmetteri bar. Al qymbat turatyn KT, MRT qyzmetteri tek onkologııalyq baǵdarlama boıynsha ǵana 12,6 mln teńgege 649 ret júrgizilgen.

Mindetti áleýmettik medıtsınalyq saqtandyrýdy engizý qalpyna keltirý eminiń jáne medıtsınalyq ońaltý qyzmetteriniń sanyn ulǵaıtqan. Máselen, SQO-da ońaltý kómegin kórsetetin medıtsınalyq uıymdardyń sany eki jyl ishinde 2,7 esege artqan. 2018 jyly qalpyna keltirý emin jáne ońaltý qyzmetterin kórsetetin 9 uıym ǵana bolsa, bıyl olardyń sany 25-ke jetip otyr. Bul klınıkalar bıylǵy 5 aıda 162,9 mln teńge somasyna 9 291 qyzmet kórsetti.

Jyl basynan oblysta 100 myńǵa jýyq adam tegin dárilik zattarmen qamtamasyz etildi, 3,2 mlrd teńgeniń 330,5 myń retsepti jazyldy. Onyń ishinde MÁMS aıasynda 266,1 mln teńge somasyna 5 939 adam tegin dári-dármek aldy.


Joǵary qaraı