Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Chehııa bıligi jumys berýshilerdi óz qyzmetkerlerin koronavırýsqa testileýdi mindettedi

2021 jyldyń 2 naýryz 2021 07:53

PRAGA. QazAqparat – Chehııa úkimeti 50-den astam jumysshy men qyzmetshi jumys isteıtin uıymdar men kásiporyndardyń ıeleri men basshylyǵyna apta saıyn qyzmetkerlerdi koronavırýsqa testileýdi ótkizýdi mindettedi, dep habarlaıdy QazAqparat Cheh telearnasyna silteme jasap.

250-den astam qyzmetkeri bar kásiporyndar men uıymdarda antıgendik jedel testilermen testileý sársenbide bastalady, al 250-den az, biraq 50-den kóp bolsa, bul protsess jumada bastalady. Shaǵyn kompanııalar men qyzmetkerlerdi qashyqtan jumys rejımine aýystyrǵan kompanııalar testileýden bosatylady.

Bıliktiń osy talabynyń oryndalýyn baqylaý eldiń sanıtarlyq-epıdemıologııalyq qyzmetine júktelgen. Testileý júrgizbeıtin uıymdar men kásiporyndarǵa 500 myń kronaǵa deıin (shamamen 20 myń eýro) aıyppul salynýy kerek. Olardyń qyzmetkerlerine test tapsyrýdan jaltarǵany úshin 50 myń kronaǵa deıin (shamamen 2 myń eýro) aıyppul salynýy múmkin.

Cheh telearnasynyń habarlaýynsha, aldaǵy eki aptada 10 myń kompanııanyń 2,1 mıllıon jumysshysy men qyzmetkeri koronavırýsqa testileýden ótýi kerek. Mınıstrler kabınetiniń sheshimi olardyń ıeleri men basshylyǵy arasynda túsinistikke ıe boldy, óıtkeni ol epıdemııa kezinde óndiristik protsestiń úzilissiz bolýyn qamtamasyz etýge baǵyttalǵan.


Basty sózder: Koronavırýs, Eýropa,
Joǵary qaraı