Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

BJZQ basshysy birjolǵy zeınetaqy tólemin alýdyń shekti mólsheri týraly túsinikteme berdi

2021 jyldyń 3 jeltoqsan 2021 13:31

NUR-SULTAN. QazAqparat – «Biryńǵaı jınaqtyq zeınetaqy qory» akıtsonerlik qoǵamynyń basqarma tóraǵasy Janat Qurmanov birjolǵy zeınetaqy tólemin alýdyń shekti mólsheri nege ózgertilgeni týraly pikir bildirdi, QazAqparat tilshisi.

Janat Qurmanov birjolǵy zeınetaqy tóleminiń ósýine keshe qabyldanǵan Bıýdjet týraly zańnyń túrtki bolǵanyn meńzeıdi.

Eske salsaq, keshe Prezıdent Qasym-Jomart Toqaev «2022-2024 jyldarǵa arnalǵan respýblıkalyq bıýdjet týraly» QR Zańyna qol qoıǵan bolatyn . Onda 2022 jylǵy 1 qańtardan bastap birqatar áleýmettik-ekonomıkalyq parametrlerdi ulǵaıtý kózdelgen. Eń tómengi jalaqy aǵymdaǵy 42,5 myń teńgeden 60 myń teńgege deıin ulǵaıtylady. Sondaı-aq, eń tómengi zeınetaqy, eń tómengi bazalyq zeınetaqy tólemderiniń mólsheri de ósetin boldy.

«Qazaqstan Respýblıkasynda zeınetaqymen qamsyzdandyrý týraly zańda «Zeınetaqy jınaqtarynyń eń tómen jetkiliktiliginiń shegi mindetti zeınetaqy jarnalary jáne mindetti kásiptik zeınetaqy jarnalary esebinen qalyptastyrylǵan aı saıynǵy zeınetaqyny qamtamasyz etý úshin qajetti zeınetaqy jınaqtarynyń respýblıkalyq bıýdjet týraly zańda belgilengen eń tómen zeınetaqy mólsherinen tómen emes eń tómen mólsheri» dep aıqyndalǵan.

«Eń tómengi jetkiliktilik shegi jyl saıyn Qazaqstan Respýblıkasy Úkimetiniń 2013 jylǵy 2 qazandaǵy №1042 qaýlysymen bekitilgen Ádisteme boıynsha qaıta esepteledi jáne BAQ-ta jarııalanady», - deıdi BJZQ basshysy.

Bekitilgen ádisteme boıynsha tómen jınaqtyq shek mólsheri jınaq ıesiniń jasyna qaraı esepteledi jáne bolashaq zeınetaqy tólemderi men zeınetaqy jarnalarynyń ósýin (ındekstelýin) eskeredi.

«Bul rette QR «Respýblıkalyq bıýdjet týraly» Zańyna sáıkes, jyl saıyn ındeksteletin eń tómengi jalaqy (ETJ), eń tómengi zeınetaqy (ETZ), eń tómengi kúnkóris deńgeıi (ETKD) sııaqty áleýmettik kórsetkishter qoldanylady. Osyǵan baılanysty tómen jınaqqtyq shek mólsherin esepteý jyl saıyn atalǵan kórsetkishterdiń ósýin eskere otyryp júrgiziledi.

Osy kórsetkishterdiń ózgerýine baılanysty Úkimettiń qoldanystaǵy qaýlysyna boıynsha 2022 jylǵy 1 qańtardan bastap tómengi jetkiliktilik mólsheri qaıta esepteldi. Osy mólsherden assa, azamattar óz jınaqtarynyń bir bóligin Turǵyn úı jaǵdaılaryn jaqsartý, emdelýge aqy tóleý, sondaı-aq jeke basqarýshy kompanııalarǵa ınvestıtsııalyq basqarýǵa berý úshin paıdalana alady», - deıdi Janat Qurmanov.

Eske salsaq, birańǵaı zeınetaqy tólemin alýdyń shekti mólsheri 2022 jyldan bastap 1,8 ese artatyn boldy.

QR Eńbek jáne halyqty áleýmettik qorǵaý mınıstrligi onyń sebebin keler jyldan bastap eldegi eń tómengi jalaqynyń 41 paıyz óskenimen baılanystyryp otyr.


Joǵary qaraı