Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Bıýdjettiń oryndalýynda 75 mlrd teńgeniń buzýshylyqtary anyqtaldy

2022 jyldyń 12 mamyr 2022 11:40

NUR-SULTAN. QazAqparat – QR Premer-Mınıstriniń orynbasary – Qarjy mınıstri Erulan Jamaýbaev bıýdjet qarajatyna júrgizilgen memlekettik aýdıt nátıjesin aıtyp berdi, dep habarlaıdy QazAqparat.

«Bıylǵy 4 aıda 4,4 trln teńgege jýyq somaǵa memlekettik satyp alý rásimderi kameralyq baqylaýmen qamtyldy. Tekserý qorytyndysy boıynsha 13 967 rásimniń buzýshylyqtary anyqtaldy, onyń ishinde memlekettik aýdıt obektileri buzýshylyqtardy joıý týraly habarlamalardyń 90%-in oryndady. 739-dan astam aýdıtorlyq sharalar ótkizildi», - dedi Qarjy mınıstri Úkimet otyrysynda.

Onyń aıtýynsha, shamamen 1,7 trln teńge bıýdjet qarajaty aýdıtpen qamtyldy. Jalpy somasy 75 mlrd teńgege qarjylyq buzýshylyqtar anyqtaldy.

«Taýarlardy jetkizý, qyzmetterdi kórsetý men jumystardy oryndaý, bıýdjetke óteý jáne esepke alý jolymen 65 mlrd teńgege buzýshylyqtar joıyldy. Aýdıt obektileri qyzmetiniń tıimdiligin jetildirý jáne arttyrý úshin 600-den astam usynym berildi», - dedi E. Jamaýbaev.

Buǵan deıin Qarjy mınıstri jyl basynan beri respýblıkalyq bıýdjetten 5,6 trln teńge jumsalǵanyn jáne 8 mlrd teńge únemdelgenin aıtqan edi.

Sondaı-aq bıylǵy 4 aıda memlekettik bıýdjetke 5 trln 93 mlrd teńge kiris túsken jáne jospar 108,6%-ke oryndalǵan.



Joǵary qaraı