Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Bıýdjetke qatysý» jobasyna 800 mln teńge bólinedi - Almaty

2021 jyldyń 14 qyrkúıek 2021 19:07

ALMATY. QazAqparat - Almatyda 2022 jylǵa arnalǵan «Bıýdjetke qatysý» jobasyna ótinish qabyldanyp jatyr. Bul týraly qalalyq Strategııa jáne bıýdjet basqarmasynyń basshysy Almas Batanov onlaın brıfıngte aıtty, dep habarlaıdy QazAqparat tilshisi.

Spıkerdiń sózinshe, qazir 2022 jylǵa arnalǵan halyq qatysatyn bıýdjetti iske asyrýǵa daıyndyq júrip jatyr jáne 23 tamyzdan bastap jobalyq usynystardy qabyldaý bastalǵan.

«Almatylyqtar 1 qazanǵa deıin budget.open-almaty.kz. portaly arqyly usynys jibere alady. Ol úshin ótinimdi toltyrý qajet. ıAǵnı jobalyq usynystyń ataýyn, onyń sıpattamasyn, nysannyń meken-jaıyn kórsetý jáne mindetti túrde jobalyq usynystyń eskızi men smetasyn tirkeý qajet. Sondaı-aq qalaýyńyz boıynsha aǵymdaǵy jaǵdaıynyń sýreti men prezentatsııasyn qosa berýge bolady. Bir jobanyń maksımaldy quny 58,3 mıllıon teńgeden aspaýy tıis», - deıdi ol.

Joba aıasynda Almatynyń 8 aýdanyna qala bıýdjetinen 800 mıllıon teńgeden bólinedi. Onyń jalpy somasy 6,4 mıllıard teńge.

«Birinshi kezeń boıynsha kelesi jylǵa arnalǵan ótinimderdi qabyldaý bastaldy, búginge deıin 97 ótinim tústi. Qabyldaý osy jyldyń 1 qazanyna deıin jalǵasady. Ekinshi kezeńde jobalardy baǵalaý iske asyrylady. Saraptamalyq keńes usynystardy qabyldaý merzimi aıaqtalǵannan keıin 10 kúnniń ishinde ákimdiktiń quzyretine jatatynyna jáne jobalardyń krıterıılerge sáıkes kelýine qatysty kelip túsken jobalyq usynystardy taldaıdy. Úshinshi kezeń – qol jetkizý kezeńi. Saraptamalyq keńestiń júrgizgen baǵalaý nátıjeleri boıynsha aldyn ala ruqsat berý hattamasy daıyndalady jáne ony resmı ınternet-resýrsta jarııalaıdy, sonymen qatar jobalardy pysyqtaý boıynsha usynystar jasalady», - deıdi basqarma basshysy.

Sonymen qatar, ol ár joba daýys berý arqyly tańdalatynyn jetkizdi. ıAǵnı saıtta avtorızatsııadan ótken turǵyndar jobalyq usynystar ornalastyrylǵan sátten bastap 9 qarashaǵa deıin daýys berýdi júzege asyrady. Daýys berý nátıjeleri boıynsha Saraptamalyq keńes qorytyndy jasaıdy jáne tıisti sheshim shyǵarady.

«10-nan tómen daýys jınaǵan jobalyq usynystar iske asyrýǵa jiberilmeıdi. Daýys berý nátıjeleri men Saraptamalyq keńestiń sheshimi saıtta jáne buqaralyq aqparat quraldarynda jarııalanady. Ári qaraı aýdandyq ákimdikter men basqarmalar bıýdjettik ótinimderdi qalyptastyrady jáne jobalar bıýdjettik zańnamaǵa sáıkes qarjylandyrylatyn bolady», - deıdi Almas Batanov.


Avtor Alma Muqanova
Basty sózder: Almaty, Bıýdjet, Qarjy, Qoǵam,
Joǵary qaraı