Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Bıýdjetke qatysý»: Almatyda 267 joba júzege asyrylyp jatyr

2021 jyldyń 14 qyrkúıek 2021 17:59

ALMATY. QazAqparat- Almatyda bıyl alty mıllıard teńgeniń 267 jobasy júzege asyrylyp jatyr. Búl týraly onlaın brıfıng barysynda Almaty qalasy Strategııa jáne bıýdjet basqarmasynyń basshysy Almas Batanov málim etti, dep habarlaıdy QazAqparat tilshisi.

Onyń aıtýynsha, «Halyq únine qulaq asatyn memleket» tujyrymdamasyn iske asyrý maqsatynda, 2019 jyly respýblıka boıynsha alǵash Almaty qalasynda «Halyq qatysatyn bıýdjet» pılottyq jobasy iske asyryldy.

« 2019 jyly turǵyndardan 333 jobalyq usynys tústi, onyń ishinde 228 daýys berýge jiberildi, 183 joba 10-nan artyq daýys jınady, 55 joba iske asyrýǵa jiberildi, 49 joba iske asyryldy. Al, 2020 jyly halyqtan 796 usynys tústi, bul 2019 jylǵa qaraǵanda 463 jobaǵa artyq. Osy jobalyq usynystardyń ishinde 448-i daýys berýge jiberildi, 281 joba qaıtaryldy, 60 jobany avtorlar pysyqtamady, 273 joba iske asyrýǵa jiberilidi, qazir 268 joba iske asyrylyp jatyr»,-deıdi spıker.
Spıkerdiń sózinshe, 2021 jyly 7,3 mlrd teńgege 273 jobasy iske asyrýǵa jiberildi, búgingi kúni 6 mlrd teńgeniń 267 jobasy qolǵa alyndy. 2,1 mlrd teńgeniń 107 jobasy aıaqtaldy.
«Bul aýmaqtardy tıimdi basqarý úshin azamattar men jergilikti atqarýshy organ arasyndaǵy dıalog. Jobanyń máni – kez kelgen qala turǵyny óz qalaýy boıynsha qalalyq ortany damytý jónindegi ıdeıasyn usyna alady. Ol bastama daýys berý protsesinde basqa turǵyndardyń qoldaýyna ıe bolýy shart»,- dedi basqarma basshysy.
Avtor Alma Muqanova
Basty sózder: Almaty, Bıýdjet,
Joǵary qaraı