Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Byltyr elektrondyq formattaǵy ákimshilik hattamalar men nusqamalar 6 mln-nan asty

2021 jyldyń 24 qańtar 2021 19:57

NUR-SULTAN. QazAqparat – Qazirgi ýaqytta qylmystyq qýdalaý organdarymen qylmystyq isterdiń 45 paıyzy elektrondyq formatta tergelip keledi, dep habarlaıdy QazAqparat.

«Qazirgi ýaqytta qylmystyq qýdalaý organdarymen qylmystyq isterdiń 45%-y elektrondyq formatta tergelýde. 2020 jyly sottylyqtyń bolýy ne bolmaýy jaıly 3 mln-nan astam anyqtama, tulǵanyń ákimshilik quqyq buzýshylyq jasaǵany týraly 483 myńǵa jýyq málimet, sondaı-aq 2 myńnan asa muraǵattyq anyqtamalar berildi. 2020 jyldyń qorytyndysy boıynsha elimizde aıyppuldardy óndirip alý 68 paıyzdy qurady, memleket bıýdjetine aıyppul tóleýden 54 mlrd teńgeden astam qarajat tústi. Elektrondyq formatta resimdeletin ákimshilik hattamalar men nusqamalardyń sany 6 mln-nan astam nemese jalpy sanynyń 85 paıyzy bolyp tabylady», - delingen Quqyqtyq statıstıka jáne arnaıy esepke alý jónindegi komıtet málimetinde.

Ótken jyly Komıtet jáne onyń aýmaqtyq organdarynyń prokýrorlary 403 zańsyz tekserýdiń jolyn kesti, onyń ishinde shaǵyn bıznesti tekserýge moratorıı aıasynda baqylaýshy organdarǵa 89 tekserýdi tirkeýden bas tartyldy.

«Tsıfrlyq damý, ınnovatsııalar jáne aeroǵarysh ónerkásibi mınıstrligimen birlesip, aǵymdaǵy jyldan bastap memlekettik organdarda «Elektrondyq ótinishter» aqparattyq júıesin engizý júzege asyrylyp jatyr», - dep atalyp ótken komıtet aqparatynda.


Joǵary qaraı