Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Byltyr 3 iri munaı operatory bıýdjetke 7,5 mlrd dollar tikeleı tólem jasady

2022 jyldyń 20 mamyr 2022 15:32

NUR-SULTAN. QazAqparat – 2021 jyly Teńiz, Qashaǵan, Qarashyǵanaq ken oryndarynyń operatorlary memleket bıýdjetine 7,5 mlrd dollar tikeleı tólem jasady. Bul jaıynda QR Premer-Mınıstri Álıhan Smaıylovtyń Májilis depýtattarynyń saýalyna bergen jaýabynda aıtylǵan, dep habarlaıdy QazAqparat tilshisi.

«2021 jyly 3 iri operatordyń qyzmetinen memlekettik bıýdjetke jalpy tikeleı tólem kólemi 7,5 mlrd dollardan asyp tústi», - delingen Úkimet basshysynyń jaýabynda.

Premer-Mınıstrdiń dereginshe, «Teńizshevroıl» kompanııasy elimizdiń bıýdjetine 4,5 mlrd dollar tóledi.

Respýblıka Qarashyǵanaq jobasynan 2,6 mlrd dollar aldy.

Onyń ishinde profıt-oıl (ınvestordyń kirisin qalyptastyratyn jáne respýblıka bıýdjetine ketetin munaıdyń bóligi) túrindegi 1,98 mlrd dollar - Ulttyq qorǵa, jáne salyq túrinde 0,65 mlrd dollar - jergilikti jáne respýblıkalyq bıýdjetke aýdaryldy.

Al Soltústik Kaspıı jobasynan elimizge 0,4 mlrd dollar (basym tólem túrinde 274 mln dollar jáne profıt-oıl túrinde 170 mln dollar) tústi.


Joǵary qaraı