Aýa raıy
Astana -14 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Buzylǵan kólikke kómekke kelgen tarazdyq polıtseıler týraly vıdeo tarady

2020 jyldyń 25 qarasha 2020 10:48

TARAZ. QazAqparat – Tarazda polıtseıler buzylǵan kóliktiń júrgizýshisine kómekteskendigi týraly vıdeo áleýmettik jelide keńinen taralyp, kópshiliktiń yqylasyna ıe boldy,- dep habarlaıdy QazAqparat tilshisi.

Instagram jelisinde tarazdyq patrýldik polıtsııa qyzmetkerleriniń kóligi jolda buzylyp qalǵan júrgizýshige kómekteskeni týraly vıdeo taraǵan bolatyn.

Oblystyq polıtsııa departamentiniń baspasóz qyzmetinái málimetinshe, kúndizgi patrýldeý kezinde Tóle bı men Jeltoqsan kósheleriniń qıylysynda Taraz qalasynyń PB PPB qyzmetkerleri toqtap turǵan Toyota Camry kóligin baıqaıdy.

Kólik júrgizýshisi birneshe ret joldan shyǵyp ketýge tyrysqanymen, kólikti qozǵalta almaǵan. Osy sátte júrgizýshiniń janyna tártip saqshylarynyń qyzmettik kóligi kelip toqtaıdy.

Kóliginiń júrmeıtinine kózi jetken júrgizýshi polıtseılerdi kórip qýanyp ketedi. Avtokólikti júrgizýshimen birge joldyń shetine ıterip shyǵarǵan ofıtserler onyń benzıni taýsylǵanyn anyqtaǵan.

Polıtseıler qolaısyz aýa raıyn eskere otyryp, birden janarmaı quıý beketine baryp, qajetti janarmaı ákelip beredi. Óz kezeginde avtokólik ıesi polıtsııa qyzmetkerlerine kórsetilgen kómek úshin rızashylyǵyn bildirip, qyzmetine sáttilik tiledi.

«Qazir kún sýyq, birneshe kúnnen beri qar jaýyp tur, toqtap turǵan kólik jol apatyn týdyrýy múmkin. Patrýldeý kezinde qınalyp turǵan júrgizýshini baıqadyq. Dereý kómek kórsetý týraly sheshim qabyldadyq. Bizdi bireý vıdeoǵa túsirip, áleýmettik jelige taratady dep múlde oılamadyq. Biz tek qoldan kelgenshe kómektesýge tyrystyq. Jolda mashınanyń buzylyp qalýy jıi kezdesedi, biz árqashan kómektesýge daıynbyz», - dep atap ótti saqshylar.


Joǵary qaraı