Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

BUU koronavırýs indetin sýper taratýshy eldi atady

2021 jyldyń 29 shilde 2021 03:32

NUR-SULTAN. QazAqparat - Mıanmada COVID-19 ınfektsııasy órship barady. Osylaı jalǵasa berse, búkil aımaqqa indet taratatyn elge aınalýy múmkin, dep habarlaıdy QazAqparat The Guardian gazetine silteme jasap.

BUU-nyń Mıanmadaǵy adam quqyqtary jónindegi arnaıy baıandamashysy Tom Endrıýstyń málim etýinshe, elde koronavırýs indeti jyldam taralyp jatyr.

Eldegi sońǵy ýaqytta týyndaǵan keleńsiz jaǵdaılar COVID-19 epıdemııasynyń búkil aımaqqa taralý qaýpin týdyryp otyr.

Aqpan tóńkerisinen beri Mıanmada vaktsınatsııa baǵdarlamasy iske aspaýda, halyq testileýden ótkizilmeıdi jáne dárigerlerdiń ereýiline baılanysty aýrýhanalar jumysy toqtap qaldy.

Sondaı-aq uıymnyń arnaıy baıandamashysy Mıanmadaǵy dárigerlerdiń ereýilge shyqqanyn, olardyń memlekettik aýrýhanalarda jumys isteýden bas tartatynyn, qysym men qoqan-loqqylarǵa ushyrap, adamdardy jasyryn túrde emdeýge májbúr bolǵandyqtaryn atap ótti.

Qazirgi tańda Mıanmada halyq medıtsınalyq ottegige, krematorııalar men máıithanalarǵa kezekte tur.


Basty sózder: BUU, Álemdegi koronavırýs,
Joǵary qaraı