Aýa raıy
Astana 15 °S
Almaty 17 °S
valıýta baǵamy
USD 412.55
EUR 468.66
RUB 5.79
CNY 58.80

BUU Qaýipsizdik keńesi álemdegi qaqtyǵystardy toqtatýǵa shaqyrdy

2020 jyldyń 2 shilde 2020 08:30

NUR-SULTAN. QazAqparat – Qaýipsizdik keńesi COVID-19 halyqaralyq beıbitshilik pen qaýipsizdikke tóndiretin qaýip-qaterin moıyndap, búgin BUU Bas hatshysynyń jaýyngerlik is-qımyldardy jalpyǵa birdeı jáne úsh aıǵa dereý toqtatýǵa shaqyrǵan úndeýin qoldady. Oq atýdy toqtatý terrorıstik toptarǵa qarsy operatsııalarǵa qoldanylmaıdy, dep habarlaıdy QazAqparat BUU jańalyqtaryna silteme jasap.

Biraýyzdan qabyldanǵan qararda Qaýipsizdik keńesiniń músheleri COVID 19 pandemııasy barlyq elge, ásirese qaqtyǵys júrip jatqan nemese gýmanıtarlyq daǵdarys júrip jatqan elderge joıqyn áser etetinin atap ótti. Óz kezeginde, «janjal jaǵdaılaryndaǵy zorlyq-zombylyq pen turaqsyzdyq jaǵdaıy pandemııany órshitýi múmkin».

Buryn-sońdy bolmaǵan pandemııa «halyqaralyq beıbitshilik pen qaýipsizdikti qoldaýǵa qaýip tóndire alatynyn» eskere otyryp, Qaýipsizdik keńesiniń músheleri qarýly qaqtyǵystarǵa qatysýshy barlyq tarapty keminde 90 kúnge gýmanıtarlyq úzilis alýǵa shaqyrdy. Bul gýmanıtarlyq qyzmetkerlerge kedergisiz jáne únemi ózine qaýip tóndirmeı, muqtaj adamdarǵa qajetti kómek kórsetýge múmkindik beredi.

Alaıda, qarardyń avtorlary atap ótkendeı, gýmanıtarlyq úzilis pen ot atýdy toqtatý IShIM, «Ál-Kaıda» jáne «An-Nýsraǵa», sondaı-aq olarmen baılanysty barlyq toptar men uıymdarǵa jáne Qaýipsizdik keńesi terrorıstik dep tanyǵan basqa da toptarǵa qarsy áskerı operatsııalarǵa qoldanylmaıdy.

Keńes músheleri sondaı-aq BUU-nyń barlyq bólimshelerine qarýly qaqtyǵysty nemese gýmanıtarlyq daǵdarysty bastan keshirgen elderge erekshe nazar aýdara otyryp, pandemııaǵa jaýap retinde neǵurlym belsendi is-qımyl jasaýdy usyndy. Olar BUU basshysyna BUU-nyń bitimgershilik mıssııalaryna «óz mandattary men múmkindikterine qaraı otyryp, qabyldaýshy elderdiń bılikterine pandemııany tejeý boıynsha kúsh-jigerine qoldaý kórsetýdi» tapsyrýǵa ókilettik berdi.

23 naýryzda BUU Bas hatshysy Antonıý Gýterrısh búkil álem boıynsha qarýly qaqtyǵystardyń barlyq taraptaryna áskerı is-qımyldardy toqtatýǵa jáne COVID 19 pandemııasymen kúresýge shaqyrdy.

«Biz násilderdi, ulttardy nemese senimderdi ajyratyp talǵamaıtyn bárimizge ortaq jaýǵa tap boldyq», - dep eske saldy BUU basshysy.

Sonymen qatar, búkil álem boıynsha pandemııa qaýpin kúsheıtetin jáne onymen kúresýge múmkindik bermeıtin áskerı qaqtyǵystar oryn alýda. Gýterrısh «qarýly qaqtyǵystarǵa «karantın» jarııalaýdyń jáne barlyq kúshti bizdiń ómirimizge baılanysty bolatyn kúreske jumyldyratyn ýaqyt keletinin» málimdedi.


Basty sózder: BUU, Qaýipsizdik, Álem,
Joǵary qaraı