Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Burynǵy Qorǵanys mınıstri 15 jylǵa deıin sottalýy múmkin

2022 jyldyń 15 mamyr 2022 10:56

NUR-SULTAN. QazAqparat – Burynǵy Qorǵanys mınıstri Murat Bektanov bıylǵy 22 aqpannan beri qamaýda otyr, dep habarlaıdy QazAqparat tilshisi.

«2022 jyldyń 19 aqpanynan bastap atalǵan adamǵa qatysty Bas prokýratýra sotqa deıingi tergeý júrgizip keledi, kúdiktiniń is-áreketteri QR Qylmystyq kodeksiniń 451-babynyń 3-bóligi (bılikti asyra paıdalaný) boıynsha qarastyrylýda», - dep jaýap berdi Bas prokýratýra «QazAqparat» agenttiginiń resmı saýalyna.

Osy bapqa sáıkes, áskerı jaǵdaıda bılikti asyra paıdalanǵany úshin múlki tárkilenip, belgili bir laýazymdardy atqarý nemese belgili bir qyzmetpen aınalysý quqyǵynan ómir boıyna aıyrylyp, 7 jyldan 15 jylǵa deıin bas bostandyǵynan aıyrýǵa jazalanady.

Bas prokýratýra tergeý múddesi úshin basqa aqparat jarııa etilmeıtinin aıtty.

Eske salsaq, 19 qańtar kúni Murat Bektanov QR Qorǵanys mınıstri laýazymynan bosatylǵan edi. Memleket basshysy Qasym-Jomart Toqaev mınıstrdiń komandırlik qabilet kórsete almaǵanyn synǵa aldy.

«Qańtar oqıǵasy kezinde Qarýly Kúshter ózine senimsiz ári qabiletsiz basshylyǵynyń kesirinen júktelgen mindetterdi tıisti deńgeıde atqara almady. Mınıstr Bektanov komandırlik qabiletin kórsete almady. Komandalyq-shtabtyq jáne áskerı jattyǵýlar kezinde oń nátıje kórsetken armııamyz bola tura, syn saǵatta onyń áleýetin paıdalana almadyq. Syrttan kómek shaqyrýǵa májbúr boldyq, – dedi Prezıdent.

Aqpan aıynda M. K. Bektanov osy qylmysty jasady degen kúdikpen ustalyp, ýaqytsha ustaý ızolıatoryna qamaldy.



Joǵary qaraı