Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Burynǵy Qarjy vıtse-mınıstri Rýslan Eńsebaev tórt jylǵa sottaldy

2021 jyldyń 23 qyrkúıek 2021 16:50

NUR-SULTAN. QazAqparat – Burynǵy Qarjy vıtse-mınıstri Rýslan Eńsebaevqa qatysty sot úkimi shyqty, dep habarlaıdy QazAqparat tilshisi.

«Sot Rýslan Eńsebaevty QR Qylmystyq Kodekstiń 366-baby 2-bóligine sáıkes qylmystyq quqyq buzýshylyq jasaǵany úshin kináli dep tanyp, osy baptyń negizinde qaýipsizdik deńgeıi ortasha mekemede 4 jyl jazasyn óteý jóninde úkimin shyǵardy. Sonymen qatar sot kánilini memlekettik qyzmette, sotta, jergilikti ózin-ózi basqarý organdarynda, QR Ulttyq banki men onyń vedomstvolarynda, Qarjy naryǵyn jáne qarjy uıymyn retteý, baqylaý men qadaǵalaý jónindegi ýákiletti organdarda laýazymdy qyzmet atqarýǵa ómir boıǵy quqyǵynan aıyrady. Atalǵan sot úkimi zańdy kúshine engenge deıin kúzetpen ustaý túrindegi bultartpaý sharasy ózgertilip, kináli dereý qamaýǵa alynsyn», - dep sot úkimimen tanystyrdy Nur-Sultan qalasy Esil aýdany № 2 aýdandyq sotynyń sýdıasy Baqytjan Esenov.

Sondaı-aq, sot sheshimimen burynǵy vıtse-mınıstrdiń atyna qoıylǵan kepildeme qaıtaryldy.

«Jazany oryndaý úkim zańdy kúshine engen kúnnen bastap esepteledi. QR QK-niń 62-babynyń 3-bóliginiń 2-tarmaǵyna sáıkes bas bostandyǵynan aıyrý túrindegi jaza merzimi 2021 jylǵy 23 qyrkúıekten bastap úkim zańdy kúshine engenge deıin ortasha qaýipsiz qylmystyq-atqarý júıesi mekemesinde jazasyn óteý kezinde 1,5 kún úshin 1 kún esebimen qamaýda ustaý ýaqyty eseptelsin», - deıdi ol.


Joǵary qaraı