Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Burynǵy Ekologııa vıtse-mınıstri men «ÓKM Operatory» eks-basshysy 2 aıǵa qamaýǵa alyndy

2022 jyldyń 28 qańtar 2022 10:21

NUR-SULTAN. QazAqparat – Nur-Sultan qalasynyń tergeý soty QR Ekologııa, geologııa jáne tabıǵı resýrstar eks-vıtse-mınıstri Ahmetjan Pirimqulov pen «ÓKM Operatory» JShS-nyń burynǵy basqarma tóraǵasy Medet Qumarǵalıevti eki aıǵa qamaýǵa aldy, dep habarlaıdy QazAqparat tilshisi.

Bul aqparatty elorda sotynyń baspasóz qyzmeti rastady.

«2022 jylǵy 27 qańtarda Nur-Sultan qalasynyń mamandandyrylǵan aýdanaralyq tergeý soty kúdiktiler A.A.Pirimqulov pen M.K.Qurmanǵalıevke qatysty 2 aı merzimge kúzetpen ustaý túrindegi bultartpaý sharasyn sanktsııalady.

QR Qylmystyq protsestik kodeksiniń 201-babyna sáıkes sotqa deıingi tergep-tekserýdiń basqa derekterin jarııa etýge jol berilmeıdi», - dep jazylǵan málimette.

Eske salsaq, 26 qańtarda QR Ekologııa, geologııa jáne tabıǵı resýrstar vıtse-mınıstri Ahmetjan Pirimqulov pen «ÓKM Operatory» JShS Basqarma tóraǵasy Medet Qumarǵalıev ustalǵan bolatyn.

Sol kúni «ÓKM Operator» JShS-niń basqarýshy dırektory Rýslan Shámshıevtiń múrdesi tabylyp, elordanyń «Esil» aýdandyq polıtsııa bólimi QR Qylmystyq kodeksiniń 105-babymen (Ózin-ózi ólitýrge deıin jetkizý) qylmystyq is qozǵady.

Aıta keteıik, 2022 jylǵy 11 qańtarda Qazaqstan Respýblıkasy Parlamenti Májilisiniń otyrysynda sóılegen sózinde Memleket basshysy Qasym-Jomart Toqaev «ÓKM Operatory» JShS-niń kádege jaratý alymyn júrgizý jáne kádege jaratý alymyna ıelik etýin toqtatý týraly tapsyrma berdi.


Joǵary qaraı