Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Býrabaıda «WELKOM TO BURABAI» jazýyn qıratqan júrgizýshi jaýapqa tartyldy

2021 jyldyń 14 maýsym 2021 10:59

KÓKShETAÝ. QazAqparat - Aqmola oblysynyń Býrabaı kýrortynda «WELKOM BURABAI» jazýyn qıratqan júrgizýshi ákimshilik jaýapqa tartyldy, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.

Vedomstvonyń málimetinshe, oqıǵa maýsymnyń 13-de keshki saǵat 20:40 shamasynda oryn alǵan. «Shkoda Sýper B» kóliginiń avtojoldyń 16 shaqyrymynda aınalma joldan óte bergende kóliktiń dóńgelegi jarylǵan. Saldarynan júrgizýshi kólikti basqara almaı «WELKOM BURABAI» jarnamalyq jazýyna soǵylǵan.

«Jol-kólik oqıǵasy saldarynan zardap shekkender men qaza bolǵandar joq, avtokólikke tehnıkalyq zaqym keldi. Al 1986 jylǵy júrgizýshige qatysty Ákimshilik quqyq buzýshylyq kodekstiń 610 babynyń 1-shi bóligi «kólik quraldary júrgizýshileriniń jol júrisi qaǵıdalaryn adamdardyń densaýlyǵyna zııan keltirýge, kólik quraldarynyń nemese ózge de múliktiń búlinýine alyp kelgen buzýshylyǵy» boıynsha ákimshilik hattama toltyryldy», - dedi vedomstvodan.


Avtor Aslan Ospanov
Basty sózder: Qylmyspen kúres, Aqmola oblysy,
Joǵary qaraı